My world .. My thoughts

I't Ok now.. godbye,my friend

2009-07-18T15:37:00.003+03:00

By: Karla Bonoff

Oh we never know where life will take us
We know it's just a ride on the wheel
And we never know when death will shake us
And we wonder how it will feel

So goodbye my friend
I know I'll never see you again
But the time together through all the years
Will take away these tears
It's O.K. now
Goodbye my friend

I'd see a lot of things that made me crazy
And I guess I held on to you
You could've run away and left, well maybe
But it wasn't time and we both knew

So goodbye my friend
I know I'll never see you again
But the love you gave me through all the years
Will take away my tears
I'm O.K. now
Goodbye my friend

A life so fragile, a love so pure
We can't hold on but we try
We watch how quickly it disappears
And we'll never know why

But I'm O.K. now
Goodbye my friend
You can go now
Goodbye my friend

Naseeb

2008-07-15T19:49:00.007+03:00

Zee Arabia ..Oh Zee Arabia !
am not even sure when this Indian Movies channel came on air.
last night I saw a movie called " NASEEB" on that channel and u just had to see that grin on my face while watching .
this movie took me over 27 years back, when I was still 6 years and watched my elder brothers cut newspapers to collect pictures of that movie and hang them on their closets and room walls ..oh my !! of course the songs of the movie is another BIG story
none of us actually knew what the songs said nor the story of the movie was about..
however, what the heck can a 6 years girl understand from an Indian movie to like and love it this much !
I couldn't stop asking myself this question last night when I was watching the movie.. I tried hard to get an answer and I think I got it .. at that time, we were looking for a hero, someone strong, brave, undefeatable and god knows what else .. I laughed to tears when I watched the fight scenes .. they were SO fake and the sound effects were so funny!
Nevertheless, this movie is so dear and precious to me. It brings me back tons of sweet memories and it causes my heart a strange feeling of happiness every time I watch it or listen to any of songs in it.
I remember when my brother and sister went to the cinema and saw that movie, my sister jumped in her seat when she saw Amitabh Bachan ! I couldn't understand why she did that 27 years back, but now I do :)

مسرحية "وجهة نظر"

2008-06-25T15:23:00.005+03:00

لو هالمسرحية تنعرض يومياً .. بحضرها وبستمتع فيها وبكل كلمة وبكل حركة وبكل فتفوتة فن فيها

للي ما سبق وحضرها، المسرحية بتدور حول جمعية لرعاية المكفوفين، وطبعاً المسؤولين عن الجمعية زيهم زي كتير من الأنظمة الإدارية المترهّلة والفاسدة بالوطن العربي وبالعالم، بتستغل الوضع الإنساني للمكفوفين عشان تشحد عليهم وتنهب المعونات والمنح اللي بتيجي إلهم

عرفة الشوّاف( المبدع محمد صبحي) بيدخل عالجمعية وبيتعرّف على زملاؤه المكفوفين ومنهم سنيّة ( الفنانة عبلة كامل ) اللي بتكون عمشا وبحاجة لعملية عشان تستعيد بصرها، وطبعاً أصحاب الجمعية بيتهرّبوا من العملية عشان ما يدفعوا عليها مصاري.. وعرفة الشوّاف بيصرّ يكشف فساد المسؤولين عن الجمعية ويساعد سنيّة عشان تعمل العملية

بتنجح العملية وبترجع سنيّة تشوف بس بتبلّش تنجرف مع تيّار الفساد، لكن ضميرها بيصحى بسرعة وبترجع متل ما كانت

المسرحية من أروع مسرحيات محمد صبحي إن لم تكن أروعها ..يمكن بحكي هالحكي لإنّي متحيّزة لأعمال محمد صبحي بدون استثناء ، حتّى الأعمال اللي فيها نسبة من الأخطاء الفنية أو الأدائية

أثارني بالمسرحية دخول محمد صبحي لأوّل مرّة، لما طفّى النور عشان الكل ما يشوفوا إلا العتمة اللي هو شايفها .. وعجبتني الطريقة اللي أخدنا فيها لعالم المكفوفين وخلاّنا نعرف شو بيشوف وكيف بيحسّ لمّا قال إنه لما انولد حسّ كإنه حدا سيّح شمع على عيونه بس كان عنده أمل يكون هادا مجرّد خطأ مؤقت ورح يتصحح بعدين.. وإذا فكّرنا فيها بنلاقي إنه هادا هو الوصف البسيط والدقيق لإحساسنا بالأمل

عجبني الذكاء الفنّي اللي بيتمتّع فيه محمد صبحي وفريقه بدون استثناء .. والكوميديا الرائعة اللي قدّموها واللي ضحّكتني وبتضحّكني كل ما أحضر هالعمل أو أي عمل تاني لمحمد صبحي وبنفس الوقت، حسّيت إنّه كان فيه شوية مبالغة بالخطبة اللي ألقاها بحضور مسز بوكس، واللي تكاد تكون سمة مشتركة لكل أعمل محمد صبحي

ومع هيك ..تحيّة لمحمد صبحي وإبداعاته

قصص قصيرة جداً

2008-06-20T03:05:00.002+03:00

حرّية
-----
وقفت أمام القفص الصغير
و راحت تنظر إلى العصفورين الحزينين و تحاول مداعبتهما
إنهما لم يعودا يغردّان كالسابق
و لم يعودا يملآن الغرفة بزعيقهما الذي ينمّ عن سعادتهما
بل يكادا يوحيان بالحزن و الكآبة أكثر
و بدأت تفهم أنه لم يعد لهما فضاءٌ يحلّقان فيه ، ولا شكّ أن أجنحتهما قد أصيبت بما يشبه الضمور و التيبّس، فهما لم يعودا قادرين على التحليق أو الطيران ، لم يعودا قادرين على ممارسة حريتهما
الحرية !
هذا هو ما يحتاجانه
و هرولت خارج غرفتها .. أسرعت خارجة من المنزل كلّه
و عادت بعد ساعة أو أكثر
تحمل بيديها قفصاً أكبر

***

رأفة
------
استيقظ من نومه مذعوراً!
لقد تأخر
الساعة تشير إلى الثامنة و النصف
و هو رئيس جمعية ( الرأفة ) للرفق بالحيوان ، و اليوم يستضيف الوفد الأوروبي الذي يزور البلاد ليلقي خطاباً يؤكد فيه أن بلاده في مقدمة الدول التي تعنى بحقوق الحيوان لدفع جميع تلك التهم الظالمة بالقسوة واللاإنسانية .
تناول إفطاره على عجل ، و دسّ نفسه في سيارته و أعطاها دفعة قويّة من الوقود و انطلق بسرعة ليكون حاضراً بنفسه لاستقبال الوفد .. إنها سمعة بلاده و هو من تقع على عاتقه مسئولية الحفاظ عليها الآن .
الشوارع مزدحمة بالسيارات و المارّة
و سيارته تنطلق بسرعة جنونية تقطع حتى الإشارات الحمراء
و هو لا يرى أمامه سوى سمعة بلاده و حقوق الحيوان
أحد المارّة يعبر خطوط المشاة
و سيارته لا ترى المارّ ولا ترى خطوط المشاة
راح ينظر في المرآة الداخلية إلى ذلك الجمع المتجمهر في الخلف البعيد حول الجسد الغارق في دمائه و يتمتم بسخط " حتى متى يسير الناس في الشوارع نياماً !"

***

جوع
-----
كانت صغيرة و جميلة
آية من آيات الجمال التلي خلقها المولى
و أحبّته رغم فقره و دمامته
كان يكبرها ببضعة أعوام، و كان يعمل ويعيل أسرته
و تقدّم لخطبتها
و رفض أبوها
و ولولت أمّها
و اعترض أخوتها
"ستموتين جوعاً معه يا هبلة!"
و كانت تؤكد إنها ستكون جائعة ولكنها ستكون سعيدة بقرب من تحبّ مدى الحياة
توسلتهم ألا يحرموها ايّاه
و توسّلهم ألا يحرموه ايّاها
لكن أحدهم لم يصغِ .. إنها صغيرة ، و غداً تكبر و تعقل و تنسى
و بدأت إضراباً عن الطعام ، و لكن أحداً لم يكترث
غداً يقرص الجوع معدتها فتعدل عن إضرابها
و طال الإضراب و لم يأت الغد
ماتت الصغيرة جوعاً و بكاءً
دون أن تكون معه.
***

حبّ
-----
كان مطرباً شهيراً
أشهر مطرب يغنّي للحبّ و الأشواق
كان عظيماً بفنّه و صوته
كلماته نبيذ يسكر عقول الصبايا و النساء
ألحانه عصفور حبّ حزين يغرّد فوق أوتار القلوب الجريحة
أغانيه كانت إهداءات المحبّين لبعضهم
و أناشيد العشّاق في عيدهم
كان يلقّب بوريث كيوبيد، و ملك العاشقين ، و قيثارة الحب
كان طرفاً ثالثاً في كل قصّة حبّ بين اثنين
و كان حلم أي فتاةٍ أن تكون حبيبته في واحدة من قصائده العظيمة
و كان في كل يوم يعود إلى منزله و إلى حبيبته و يشير لها بأصابعه بلغة الإشارة "اشتقت لك"
فتجيبه بأصابعها بتلك اللغة التي لم تعرف في حياتها سواها و ابتسامة حلوة تحتّل شفتيها
" احبّك"

****

تقاعد
------
كان زوجاً مخلصاً
و كانت زوجةً وفيّة
و كانت حياتهما تسير بهدوء كنهرٍ ينساب بسلام
و كانت الحصيلة ثلاثة ابناءٍ و خمسة و عشرون عاماً من العشرة و الواجبات
لم يخنها يوماً
و لم تشكّ به يوماً
إنّه رجل محترم بكل المقاييس، ليس في حياته سوى عائلته و عمله، ووقته يتوزّع بينهما ولا شيء سواهما، و هو يحبّ عمله ، و يحبّ أبناءه أكثر
و كبر الأولاد و تزوّجوا جميعاً و توزّعوا كلٌّ في جهة بعيدة
و أحيل الزوج إلى التقاعد بعد أكثر من أربعين عاماً من الخدمة
أحسّ أنّه أحيل إلى خردة في مستودع التلفيّات
و إلى كهل أعفي من وظيفته كأب
و هو يرفض الاعتراف بالتقاعد
و يرفض اعفاءه من مهمّة الأبوّة
افتتح مقهى صغيراً يستضيف فيه العواجيز المنتهية صلاحية عطائهم
و بعد شهرين ، تزوّج بأرملة لها ثلاثة أولاد صغاراً
إنّه رجل يكره أن يكون عاطلاً عن العمل

التجربة الدنماركية

2008-06-20T02:30:00.003+03:00

الفيلم انعرض من كم يوم ، وبيجوز تكون هاي أوّل مرّة بحضره وبركّز فيه وما بكون ملتهية بشي تاني

الفيلم بدأ بداية جيدة جداً .. وعشان اللي ما حضروا الفيلم يعرفوا عن شو عم بحكي رح ألخّص قصّته

الفيلم بيدور حول قدري بيه، وزير الشباب اللي عنده 4 أبناء كل واحد فيهم ما بيفوت من الباب بس زي ما بيحكوا، أجسام البغال وأحلام العصافير .. قدري بيه بيلتقي بصديق إله متزوّج من ست دنماركية وأختها رح تيجي على مصر وطلب من قدري بيه يستضيفها يومين وطبعاً قدري بيه ما بيحكي لأ

بتيجي الست هانم، اللي هيي نيكول سابا كإنها جاية من الفضاء على أدغال أفريقيا، شايفة كل شي فرجة و ياااي وواو وماخدة راحتها عالآخر باللبس والتصرفات .. طبعاً مصر كلها ريالتها بتسيل على هالأنثى اللي ربنا خلقها وما خلق بجمالها ( مبالغة غبية وهبلة جداً ) والأولاد بتقاتلوا وبيدبحوا بعض عليها وأبوهم، قدري بيه بيبهدلهم بالأوّل بس بعدين بيوقع بغرام الست هانم وبيرجع مراهق زيادة عن اللزوم وبيستقيل من منصبه عشان يسافر معها على الدنمارك، وكالعادة، في النهاية لازم ضميره يصحى ويكتشف الخطأ اللي كان رح يوقع فيه بيقوم بيودّعها على سلّم الطيارة وبيرجع لبيته وأولاده وولده ، وبيحكيلها أنا بحبّك، بس كمان بحبّ مصر

بس ..

انتقاداتي للفيلم هي كالتالي :

المبالغة بإظهار فتنة الأجنبيات وإنّه العربيات جنبهم " مقالب" وشي بيغم النفس وهالحكي واضح من كلام قدري بيه عن مرته

الفيلم كان ممكن يستغل وجود الأجنبية عشان يناقش مبادئنا وثقافتنا وعاداتنا الإيجابية في مقابل فراغهم الثقافي عشان بالنهاية ينتصر لأصالتنا مع عدم إغفال أهمية الأجزاء الأساسية بحضارتهم وأفكارهم

عادل إمام بالغ بموضوع غياب عقله لما وقع بغرام الأجنبية .. قد ما يكون الشخص مغروم، ما بيوصل فيه لدرجة إنه يلبس بلوزة " نص خصر" وربطة عالراس ويروح عالديسكو بس لمجرّد إنه حب أجنبيه وبدّه يعيش معها الجو .. حتّى الشباب ما بيعملوا هيك لما يحبّوا !

مع هيك ، ما بنكر إنّي ضحكت كتير عالفيلم .. كالعادة، الزعيم ما بيشيخ كوميدياً وبيقدر يضحّكنا بأداءه وتعابيره المميزة

أوبريت الضمير العربي

2008-06-20T01:54:00.002+03:00

لحد الآن مش قادرة أحضر أوبريت الضمير العربي كامل .. كل مرّة بغيّر عالقناة بلاقيه مبلّش .. ومكسّلة أنزّله عشان بعرف إنّه رح يقعد ساعة ينزّل

بس بصراحة ، منيح إنّي ما نزّلته لإنّي مش ناقصة اكتئاب،الصور اللي شفتها لحدّ هلأ بتكفّي وزيادة، وعم بحكي عن الصور لإنّه هيي السبب في الهزّة اللي ممكن تصيب أي ضمير وتخلّيه يتحرّك ولو لثواني قليلة

المشاهد مؤلمة جداً .. ويبدو إنّه إحنا بحاجة إنّا نضل نشوفها بين وقت والتاني عشان ما ننسى لا فلسطين ولا العراق ولا لبنان

بدكم الصحيح، أحياناً بحسّ إنه نسينا أو ما نسينا .. هيي هيي.. يعني على سبيل المثال، شو اللي بدّه اياه أحمد العريان من هيك أوبريت ؟ شو الفكرة اللي حبّ يوصّلها ؟ وشو الشي اللي بدّه يوصل له أو يحققه ؟ بدّه يصحّي ضمائرنا كعرب ؟ طيب وصحيت ضمائرنا .. وبعدين ؟ رجعت فلسطين ؟ طلعوا الأمريكان من العراق ؟ عرفوا مين اغتال الحريري ؟

الأوبريت أكيد عمل رائع جداً ، بالدرجة الأولى بسبب الصور والمشاهد المريعة اللي فيه .. وإذا أنا ناوية أستفيد منّه، فالشغلة الوحيدة اللي ممكن أعملها هي إنّي أبعته لأصدقائي وزملاء العمل الغربيين اللي محتاجين يعرفوا إنّه هالشعوب المقهورة والمذلولة والمعذبة مستحيل تكون شعوب إرهابية، أو عالأقل .. رح يلاقوا مبرر لإرهابهم .. إن وجد

تشبهني

2008-03-03T22:22:00.005+03:00

تشبهني
يدهشني كم تشبهني
في الآلام
و في الأحلام
وفي لحظات الصمت
ونوبات الكلام

يدهشني حقاً أني مثلك في الضعف
و أنّك مثلي في الخوف
و القلب المجروح المنفي
يدهشني أن أبحث عنك
كنصف يبحث عن نصف
يدهشني كيف وجدتك صدفة
و كيف عرفتك صدفة
و كيفت علمت بأني أحبك من أوّل يوم
و من أوّل حرف

2008-03-03T19:04:00.003+03:00

الحمد لله، يحيى ما صارله شي .. السيارة تهشّمت بس هو طلع منها من غير أي إصابة

عارفين .. صرت أكره رفيف !! مش طبيعي شو طلعت وصولية وإنتهازية

خسارة فيها يحيى - يقبش قلبي - اللي بكى عليها وقت ما تزوّجت، وهيي عايشة مع عمر كإنه كان بينهم قصّة حب طويلة عريضة

لأ ومش بس هيك ، عم بتحاول تسيطر عالبيت وعالشركة وتفرض حالها وتجاكر حماتها اللي هي إمّه لعمر وكانت رافضة علاقتهم وارتباطهم

أون ذا أذر هاند .. يحيى ولميس شكلهم رح يصير بينهم علاقة حب قوية جداً .. يا ربّي والله لابقين لبعض

بإنتظار الحلقة القادمة

عندما تقتل الأحلام

2008-03-03T17:46:00.014+03:00

شهيد غزة الرضيع.. بعد انتظاره خمسة أعوام، لم يهنئا به إلا أقل من خمسة أشهر.. هذا هو حال ناصر المرعي وزوجته، حيث قتل الاحتلال الإسرائيلي رضيعهما محمد فجر الخميس 28-2-2008 في قصف جوي صاروخي أصاب منزلهما في مدينة غزة ليختنق الرضيع من الغبار الكثيف جراء انهيار سقف غرفته

إليكم القصة :
غزة- "أأنت حامل يا إيمان؟" نطقها بكل فرح وحنين بعد طول الانتظـار الصعـب.. هتف بصوت الحياة: "سنحبه أكثر من أنفسنا.. سنشتري له أحلى الملابس والألعاب، سنضمه طويلاً، سنهبه أروع الأسماء، وحين يكبر سنزوجـه أميـرة البنات". وجاء محمد.. جاء بعد رحلة علاجٍ عُمرها 5 سنـوات قاسيـة وبطيئة، والقلوب تهتف بألف رجاء: "يا رب".. زغاريد الاستقبال أحاطته من جميع الجهات ودموع الحب هطلت كما الأمطار من عيون والديه.
وهناك في بيتهم المتواضع بدأ مُحمد في غزل أيامه، الأم تُهدهده وتُطيل عناقه، والأب يهمس: "هيا اكبر يا ولدي".. مُحمد ناصر البُرعي لن يكبر ولن يحبو ولن يمشي ولن يلثغ بـ"ماما.. بابا" فطفل الانتظار مات.

5 أشهر فقط كانت تفصل بين صرخة الحياة والموت، وبيـن دمعـة الفـرح والحُزن، وطقوس الاحتضان وآهات التوديع.
سريرٌ بارد
في سريره وضعته الأم بحنان كما تفعل كل ليلة، والده طبع على جبينه القُبل وغادر الغرفة ممُسكًا بكتاب يقرؤه، وفجأة ودونما استئذان طارت جدران المنـزل وانهمرت سيول الغُبار والدمار ورائحة الموت.
غارة إسرائيلية بكامل حقدها استهدفت مقر وزارة الداخلية في حي النصر بمدينة غزة مساء الأربعاء 27-2-2008 أتت بنيرانها على المكان كُله، وامتدت لبيت "البرعي"؛ لتخطف فرحتهم الوحيـدة.
لطالما وطئت "إسلام أون لاين.نت" بيوتًا أثكلها الاحتلال، وزرع الوجع في خاصرتها إلا أن المشهد هذه المرة بدا مُغايرًا لكل الأحزان السابقـة وربما اللاحقة.
الكلمات تكسرت أجنحتها والبحث عن تعبيـرٍ صادق يُجيد وصف ألم الصورة بدا ضربًا من الخيال.
لغة الضاد وقفت خجلى أمام فاجعة أب يبكي وحيده، وأمام أمٍ صفعها غياب قُرة عينها.. ووقفت تبكي بحرقـة بجوار سريرٍ فارغ.. بارد.. يُنادي على مناغاة محمد وأحلامه.. ودُمى تهتف بحرقة: "من بعدك يلمسني".. ودراجـةٌ تسأل عن راكبها؟!.
ناصر البُرعي "31" عامًا شاهدته عيون العالم وهـو يحتضن جثمان وحيده بصبرٍ يُحسد عليه.. بذات الأنفاس تحدث لـ"إسلام أون لاين.نت": "هبط الصاروخ الأول فالثاني، ثم كان الثالث الأشد عنفًا.. انقطع التيار الكهربائي وغرق البيت في ظلامٍ دامس.. بدأت الحجارة تتساقط.. رميت الكتاب من يدي وأسرعت لإنقاذ محمد سمعته يصرخ.. في غرفته اصطدمت ببقايا الأثاث المُدمر".
لمَ حرموني منك؟!

أغمض عينيه وصمت للحظات يُعيد فيها ما مرّ بذاكرته من شريط أحزان: "عاندت الظلام والدمار الهائل لأصل لطفلي.. اقتربت من سريره.. شعرت بالدماء تنزف من جسده، ساعتها لم يصدر عنه أي صوت وهو ما بث الرعب في قلبي.. بدأت الناس تتدفق لإنقاذنا وسيارات الإسعاف هرعت للمكان.. تلقف شقيقي طفلي.. أمسكت بيد زوجتي المُصابة.. في المستشفى لم يتمكن الأطباء من إنقاذه.. ما انهار عليه كان أسرع وأقوى".
بعدها أطرق برأسه حُزنًا تاركًا لقلبه حرية البكاء: "محمد جاءنا بعد رحلة علاج مرهقة للعقم استمرت أكثر من 5 سنوات.. انتظرنا القادم الجميل على أحر من الجمر".
بـ"حسبنا الله ونعم الوكيل"، وتنهيدة حارة ختم الأب حديثه: "ما يجري في شرايين أطفالنا دماء.. وليس ماء.. بأي ذنب حرموني من وحيدي؟!!.. لم اغتالوا بسمتي وفرحتي؟؟".
محمد لن يتمكن من ركوب الدراجة فصاحبها غادرها وعجلة المشي التي كان يحلم والده بالتصفيق لخطواتها الأولى أضحت رُكامًا، وكأنها تأبى البقاء بعد رحيل قائدها.
"إيمان البرعي" 22 عامًا الأم المكلومة لم تكن تدري أن حليب حبّها لطفلها ليلة أمس كان الأخيـر، وأنه لا رضعات لوحيدها الذي نام إلى الأبد.
في مستشفى الشفاء بغزة انعقد لسانها وما استطاعت النطق.. من بجوارها أخذ يُواسيها ويحثها على الصبر.
لماذا قتلوه؟!
"أم ناصر" جدة الطفل أخذت تتحسس بقايا سرير حفيدها وبغضب الدنيا تساءلت: "أين العالم من طفل يموت في سريره وهو نائم.. صغير لا ذنب له.. كان فرحة وبهجة والديه.. لماذا قتلوه؟!!".
واستدركت بحنق: "ماذا لو كان هذا الطفل إسرائيليًّا؟.. سأترك الإجابة لكم". تمنت الجدة لو أن محمد كبر لتسمع ضحكاته وتحكي له الحكايات، ويُباغتها على حين غرة فيخطف منها أجمل القبلات.
قبيل استشهاده بساعات قليلة التقط ناصر صورة لمحمد، وكأن قلبه يُخبره بأن ثمة فقدا قادما، فأعد الذكرى وابتسم.
ومثل ناصر، احترقت ليلة أمس ومساء اليـوم عشرات القلوب فالصواريخ الإسرائيلية حصدت إلى جانب الرضيع محمد 7 أطفال آخرين خلّف كل واحد منهم قصـة ألم ودمعـة حزن.. وصرخات تلعن الصامتين: "صغار غـزة ما أطلقوا على مدللتكم إسرائيل الصواريخ وما امتصوا قوت العصافير".

المصدر إسلام اون لاين

2008-03-03T02:28:00.001+03:00

هذه الحلقة كتبت بواسطة العزيز أياس، العضو في مجتمع محجوب

ما حدا قدر يأثر على نيو ون او على سمسم لتغيير رأيهم . وزي ما بيقول المثل " العناد كفر " وسمسم استحوذت عليها فكرة مسح الشخصية والحياة مشاركة والخرابيط هاي . ونيو ون ركب راسه وبطل لا يرسل ولا يستقبل . وبدل ما الامور تهدأ . بالعكس زادت . ولما راح خاله بني هاني لوحده يقعد مع ابو زعموط وسمسم . تفاجأ بتناحة راس سمسم . ولما رجع سألته بيبي عن رأيه . قالها يا ستي الحمد لله اول الطريق ولا اخره . سمسم بنت ناس وما شاء الله عليها . وكمان نيو ون . بس عقلهم ما بيركب على بعض . الله يسهل طريقهم . وتم فسخ الخطوبة بهدوء . والاثنين تعايشو مع الواقع المرير بشجاعة . على الاقل بالظاهر ....زنيو ون رجع لحياته الطبيعية وقرر انه يستنى لغاية ما يلاقي بنت الحلال على اقل من مهله ...ومرت الايام . وفي يوم بينما كان نيو مروح وقاعد بيفكر شو بده يعمل بشغلة الجيزة . يعني هو كل اللي بدهم يتزوجوا هيك بيصير معهم . ولا انا اللي غلط . صحيح انه حظي زي الزفت بس يعني مش لهالدرجة . بكفيش انه خالي بني هاني وعمي بعبع .................احم
وهو ماشي شاف سيارة صافة على طرف الشارع وبنت بتجنن واقفة بتتطلع على العجل المبنشر وحاطة الموبايل على ذانها .. قام شحط بريك ورجع ريفيرس . وقال بكل ادب : بدك مساعدة يا اختي ؟ البنت بتجنن وعلى اخر طراز . وسيارتها ..يا سيدي ( بي ام دبليو ) سبور اول مرة بيشوف زيها . اه هاي الفئة السادسة . يا سيدي . البنت ابتسمت . وما شاء الله . الشمس اتخبت ورا الحاوية من جمالها . وقالتله : شكرا . بس ازا بتعرف تغير التير . - شو تير ؟ انا فكرت صار معك بنشر . - شو صار معك ؟ انا ما صار معي شي . السيارة صار معها .. قلي بتعرف تغير التير ؟ - شو هو التير ؟ - هاد شو اسمه ؟ العجل . - الطاير ... اه ولا يهمك . معك العدة . - آي دونت نو . شوف الصندوق . - طيب افتحيه . وقام المعلم زي الاسد نزل السبير اللي لسه اول مرة بينزل على الارض . وبدا يغير العجل الخربان . نيو ون : مش عارف كيف سيارة جديدة زي هاي بيبنشر فيها العجل . - الزاهر انه دخل اشي بالعجل . مسمار او حجر . - كيف بده يدخل الحجر على العجل ؟ - اه سوري . خلص مشيها . وشوي شوي غير العجل وهو بس بده يضيع زيادة وقت معاها . ووبس خلص قلها : لازم تصلحي السبير عالساريع . بلاش يصير اشي معك وانت ما معك سبير . - طب وشو اعمل ؟ - روحي على بنشرجي وخليه يصلحوا . - انا ما بعرف وين هدول البنشرجيه . - اذا بتحبي بروح بصلحه بسيارتي وبرجعلك . انت استنني هون ابو نص ساعة زمن . - طب اسمع خلي سيارتك هون وبنروح انا واياك بنصلحه وبرجعك هون . شو رايك ؟ ( قال شو رايك قال . حدا بيطلعله يطلع في بي ام 600 وبيقول لا ؟ . ولك يا حمار شوف الصبية ما احلاها ..) - اه . ليش لأ . واخذها على بنشرجي وصلح العجل . ودفع عليه دينار كامل . وحلف مليون يمين ما بياخذوا منها . وقرر يعزمها على الغدا . وقال شو بده يصير يعني . يا بتصيب يا بتخيب . - انا كنت بدي اسأل سؤال . ممكن اعزمك على الغدا ؟ - هو ممكن . بس ليوم مش مناسب . اولا عندي مشوار مهم . ومش محضره حالي لسه . وكمان احنا لسه ما بنعرف اسماء بعض حتى . - عن جد بالله ؟ انا اسمي نيو ون - وانا ابونتو . وسلموا على بعض . - يعني هسة بقدر اعزمك على الغدا ؟ - لا طبعا . قلتلك اني مشغولة . خليها يوم تاني - بكره . - انت ليش مستعجل ؟ - لا مش مستعجل . بس بصراحة انا ارتحتلك . وحابب نصير اصدقاء - وانا كمان يا نيو . بس عن جد انا مشغولة . اقلك بلاش غدا . بكره بشوفك بكوفي شوب وبنشرب قهوة سوا - ماشي . - يلا باي - ويييييييين ؟ - خير شو في ؟ - بدكيش ترجعيني عند سيارتي ؟ صحيح انك طافية . - انا طافية ؟ اذا هيك من اولها . - يا ستي لا تزعلي . انت ظاوية . - بلا بياخة . شو هالحكي هاد ؟ ورجعته عند سيارته . ومشي يحلم بميعاد بكره .................
دخل على البيت مبتسم وفرحان . بيبي لاحظت انشكاحه وفرحت انه تجاوز الازمات اللي مر فيها . بس مش عارفه شو مخبيلها . في الموعد المحتوم ابونتو اعطته اسم الكوفي شوب . كان اول مرة بيسمع فيه . وقعدوا اكثر من ساعتين والظاهر انه صار استلطاف بينهم . ولما اجت الفاتورة . فنجانين قهوة ، قطعتين كيك . وكاستين عصير .........واااااااال . 14 دينار ؟؟؟؟؟؟؟؟؟؟؟؟؟وحاول يخفي اندهاشه بس مشان ما يبين عليه دفع 15 دينار وصار يحكي صيني .........ويوم ورا يوم وطلعة ورا طلعة خلص راتبه بنص الشهر ..... وقرر ياخذ القرار الخطير ويفاتحها بشعوره
وهي كمان طلعت معجبه فيه . واتفقوا انه يجي يخطبها بس يخبر امه وخاله . وفي هذاك اليوم مشي وراها لغاية ما وصلت البيت مشان يعرف العنوان . صحيح انها قالته انهم اغنياء شوي وانه ابوها السيد كلاسي مرسيدس اكبر تاجر سيارات بالبلد . بس يعني مش معقول القلعة اللي ساكنين فيها بعبدون . لا وهو مكيف على الاربع غرف اللي عندهم .
ورجع على البيت ولحسن الحظ كان خاله قاعد عندهم بيشرب قهوة على البرندة . - هلا خالي . الحمد لله انك هون . - ها . خير يا طير . شكلك مبسوط . - لقيتها . لقيتها يا خالي . - شو هي ؟ - العروس يا خالي . شو بنت بتحل عن حبل المشنقة . مال وجمال وعيلة بيبي من بعيد : ولا نيو ون . انشب واسكت لغاية ما اخلص اللي بيدي . واجت ركاض : ها من وين جايبلي اياها هاي ؟ - الصدفة يمة الصدفة بتعمل المعجزات وحكالهم كل اشي عن البنت : يعني يمة البنت كاملة مكمله . عيبها الوحيد انها شوي غنية . وساكنه بفيلا . - يمة المصاري مش كل اشي . انت بعلمك وشهادتك الف بنت بتتمناك . تلاقيها ساقطة توجيهي . - يمة . معها ماجستير وبتحضر دكتوراه . - ها ؟ قديش قلتلي عمرها ؟ - اربعة وعشرين سنة . - يمة مش كبيرة شوي ؟ - لا حول ولا قوة الا بالله . بدينا ؟؟؟؟؟؟؟؟؟؟؟- خلص . خلص . خذ موعد وانا جاهزة . وهي خالك هون واتفق معاه على كل اشي .
وحدد يوم الخميس لزيارة التعارف . وقرروا انه بالزيارة هاي ما يجيبوا سيرة خطبة ولا شي . بس تعارف . قعدة عائلية وفنجان قهوة والسلام . لما وصلوا عند البيت ....بني هاني : يا حبيبي يا خالي . شو قلتلي اسم ابوها ؟ - كلاسي مرسيدس . والها اخ واحد بس اسمه بي ام لوفر . - ما شاء الله . وانها شو اسمها ؟ اودي ؟ - بس يا خالي . امها من عيلة تانية . اعتقد اسم امها : ليدي دي . - يا سيدي . الله يوفقك ويجيب اللي فيه الخير . - تسلم يا خالي . يلا يا جماعة هي وصلنا بيبي : هذا البيت ؟ - ايوه يمة . - اي طابق ساكنين . ترى انا بقدرش لطلع درج . - يمة شو اي طابق ؟ كله بيتهم . - ما شاء الله . ليش كم واحد عيلتهم البركة ؟ - هي عايشة مع امها وابوها واخوها . - وليش كل هالبيت . ما شاء الله ....- احنا شو دخلنا يا امي . المهم البنت تعجبك . وضرب على الجرس . وانفتح الباب مع صوت ابونتو - اهلا نيو ون . تفضلوا بيبي : ولك كيف عرفت انه انت . تلاقيها واقفة على الشباك ومش واسعتها الدنيا من الفرحة . اكيد امها داعتلها انك جاي تخطبها . - يمة وطي صوتك . الانتركم مفتوح وفيه كاميرا . مشان هيك عرفت مين عالباب . - مش فاهمة . - احسن .................ودخلوا على الصالون . الفيلا بتجنن . شو اثاث ... شو ديكورات ... اشي مش طبيعي . وفجأة اجى ابو البنت – كلاسي مرسيدس . مع ابتسامه عريضة . ورحب فيهم وقعدوا سوا . شوي دخل اخوها بي ام لفر وسلم عليهم واعتذر لانه عنده مشوار ضروري ومصيري – مسابقة تفحيط في عبدون – وبعدين اجت السيدة ليدي دي . طبعا بيبي فكرتها العروس ونزلت فيها بوس . وبس قعدت همست بيبي لنيو ون - ما شاء الله والله زوقك بيجنن . - يييمة يا حبيبتي . هاي امها - معقول هاي مخلفة ولا متزوجة . ؟ شوف هالوجي اللي بيلمع .... - يمة . هاي اجت ابونتو ... ودخلت ابونتو . مع ابتسامة عريضة وسلمت على حماة المستقبل اللي نزلت فيها بوس . وسلمت على بني هاني المدهوش وهو بيحكي مع حاله : هالمقلعط من وين اندل عليهم هذول . ما شاء الله ما اجملها . واستعاذ بالله من الشيطان الرجيم اللي صار يوسوسله يحلق لنيو ون ويطلبها لنفسه ....
كان الحديث ممتع وبأمور عامة . عن وضع الشباب والدراسة وعن وضع البلد والوضع الاقتصادي . طبعا بني هاني بأفكاره الاشتراكية القديمة قاعد بيطلع على كلاسي وبيفكر : ما انت وامثالك اللي خربتوا اقتصاد البلد . وخليتو الشباب تهج منها . وجاي تنظر عن الوضع الاقتصادي وعن مستوى دخل الفرد وخط الفقر ؟؟؟؟؟؟؟؟؟
انتهت الزيارة على خير . طبعا ما تطرقوا لموضوع الخطبة وما خطبة . وفي البيت .......- يمة يا حبيبي الناس ما بيتعيبوا . والبنت اسم الله حولها وحواليها . بس هذول اكيد طلباتهم كثيرة . واللي انت بتشوفه كثير . اكيد عندهم عادي واقل . بني هاني : - بصراحة امك معاها حق . بصراحة احنا ما بنقدر نجاريهم بطلباتهم . - ماشي يا خالي . بس خلينا نحاول . انا بصراحة طرحت الموضوع على البنت . وهي قالتلي انه اهلها ما بيهتموا بالفلوس . خلينا نشوف ... اذا طلبوا كثير . وعد اني انسى الموضوع . انا مش مستعد ابدا حياتي بالدين والقروض مشان ارضي مرتي . وبعدين اقلب حياتي جحيم معها . - والله يا امي انك عاقل . خلص بكره بنحكي معهم وبنحدد موعد نروح نطلبها رسمي . مبروك يمة اما في بيت كلاسي ليدي دي : شو رايك يا كلاسي ؟ انا شايفتهم جماعة اوادم . وعلى قد حالهم - جماعة ما بيتعيبوا بالمرة . وشاب ما عليه حكي . - بس يعني شكله الشاب فقير . وما بيقدر يعيشها بالمستوى اللي عايشه فيه هلأ . - يا حبيبتي . انا بديت من الصفر . يعني لو بدها واحد بمستوانا . رح تجوز واحد بعمري . وانا بحب الشباب العصاميين . وما بدي واحد معاه مصاري وما اله شخصية . الشاب شكله جدع . واي مساعدة بده اياها انا جاهز . ابونتو : - بابا . لا تنسى انه لسه ما طلبني . مش يمكن ما عجبت امه ؟ ليدي : نعم ؟؟؟؟؟؟؟؟؟؟؟؟؟؟؟؟؟؟ يصحلها اصلا .......- شو يا ما ما . بمزح . ليش هيك عم تصرخي فيّ ....وصارت تعيط وامها تراضيها . وكلاسي دمع من الموقف العاطفي اللي صار وقرب عليهم وضمهم الثنتين . بحركة زي محمود مرسي بالزمانات ..
اليوم الثاني بني هاني اتصل وخبر كلاسي انهم حابين يجيوا يطلبو ايد ابونتو وحددوا اليوم التالي موعد للزيارة .
وبعد المقدمة المعروفة اللي صار بني هاني خبير فيها وحافظها عن غيب . تفاجأ الجميع بكلام كلاسي : - احنا يا جماعة الخير بنشتري رجل . انا ما بهمني الفلوس ولا اي شي تاني . بتهمني بس راحة بنتي . مشان هيك المتقدم رح يكون ليرة ذهب والعرسان بيجهزوا مثل ما بدهم . والسكن مش مهم في اي مكان . وانا ما عندي مانع انها تسكن مع الست بيبي اصلا واجب ابنها انه يرعاها . بس شرطسي الوحيد انه ما يكون في كتب كتاب الا بعد ثلاث شهور . يعني عدم المؤاخذة مشان نعرف بعض اكثر . واذا ما صار نصيب كل واحد عند اهله بدون محاكم وطلاق لا سمح الله . وحاولوا يقنعوه بمسألة كتب الكتاب بس ما رضي ابدا . وكمان بخصوص تحديد مبلغ المهر برضه ما رضي يحدد مبلغ معين .
وقرأوا الفاتحة على نية التوفيق . وفقعت بيبي زغرودة لمت كل الفلبينيات والسيريلنكيات اللي بالبيت اللي اجوا ركاض خوف انه حدا صار فيه اشي .......

الحلقة العاشرة

2008-03-03T02:11:00.000+03:00

المشهد التاسع عشر
ليلي/ خارجي
شركة شو في ما في للتأمين
الشارع

نيو_ون قاعد بسيّارته بستنّى بخطيبته سمسم تطلع من الشركة عشان يوصّلها عالبيت
واضح انّه نيو_ون معصّب عشان صارله أكتر من ساعة بستنّى، و الشمس غابت و هو بعده ما روّح عالبيت ولا تغدّا، و صار يفكّر بينه و بين حاله "بكره بعد الجيزة برتاح من هالهمّ، ما أحلاها و هي راجعتلي عالبيت الساعة 8 !! هلا هلا !! "
أخيراً بتبيّن سمسم، و بتصير تدوّر على سيارة خطيبها و هي عارفة إنّه معصّب و روحه بمناخيره
بتركب سمسم بالسيارة و بتحاول تطرّي الجو عشان تمتصّ غضب نيو_ون اللي دقّ سلف و طار على آخر سرعة ممكنة :
سمسم: نونووتي ، أنا آسفة ، والله أجاني شغل ما قدرت أأجله !
نيو_ون: ( مبينه العصبية بكلامه) بسيطة
سمسم : طيّب زيح هالكشرة، مش حلو شكلك و إنت زعلان
نيو_ون: خلص حبيبتي ، حكيتلك بسيطة، بكره بتنحلّ و بنرتاح من هالهمّ
سمسم: ( بتكيّف ) يعني رح تخلّيني أشتري السيارة اللي فرجيتك اياها الشهر اللي فات ؟؟
نيو_ون: لأ حبيبتي، ما رح تشتري سيارة
سمسم: والاّ كيف بدها تنحلّ ؟
نيو_ون: كلّها شهرين و بنتجوّز و بتقعدي بالبيت و بترتاحي و أنا برتاح
سمسم: شووووووو!؟!؟
نيو_ون: سمسومتي، إحنا حكينا بهالموضوع أكتر من خمسين مرّة و بتوقّع إنّه كلامي منطقي و معقول
سمسم: لأ مش معقول ! و أنا حكيتلك رأيي
نيو_ون: و آخرتها ؟
سمسم : أنا ما بترك شغلي
نيو_ون: يا سمسم ، يا بقبق عيني، كيف بدّي أقنعك؟ مش رح تلحقي على بيتك و شغلك بنفس الوقت ! شايفة قدّيش الساعة ؟؟ 7:30 ! و لحدّ ما بدّك توصلي عالبيت رح تصير 8-8:30، ما إنتي شايفة الشوارع كيف صارت زحمة زي زحمة العيد
سمسم : ما كلّ العالم بتشتغل ! اشمعنى أنا ؟؟
نيو_ون: كل العالم اللي بتحكي عنهم هدول ما فيهم وحدة متزوّجة
سمسم: بالله ؟؟ مين حكالك ؟ أنا معي 4 متزوجات بالشركة و بعدهم ما روّحوا حتّى !
نيو_ون: آه والله ! و شو بحكوا زميلاتك هدول ؟ كيف عارفين يمشّوا أمورهم ؟
سمسم بتتردد شوي : جيزانهم بساعدوهم بشغل البيت
نيو_ون: ( بحاول يفهم قصدها ) ما فهمت
سمسم : يعني ، ما في مشكلة لمّا الزوج يساعد زوجته بشغل البيت شوي
نيو_ون: آه ، و شغل البيت هادا بيشمل شو بلا مؤاخذة ؟
سمسم: شو حبيبي ؟ شكلها الفكرة مش عاجبتك
نيو_ون: ( ببلّش يعصّب عن جد ) فكرة شو ؟؟؟ لا يكون مفكريتني رح أقبل أقعد أطبخ و أجلي و أدرّس الأولاد و أحممهم و أطعميهم و إنتي بتشتغلي برّه !!!!
سمسم : (مستحية) و شو فيها حبيبي ؟
نيو_ون: بالله ؟؟ من كل عقلك بتحكي إنتي ؟؟
سمسم: أنا مش شايفة إنّه فيها مشكلة
نيو_ون: ما فيها مشكلة لمّا نكون مضطرّين لشغلك زي ما جيزان زميلاتك مضطرّين لشغلهم ، بس إحنا الحمد لله وضعنا ممتاز و هالتلاتمية ليرة اللي بتاخديهم ما بسووا الغلبة و الشعتلة اللي رح نتشعتلها
سمسم: شو قصدك ؟
نيو_ون: قصدي انّه أنا ما بدّي مرتي تشتغل بعد الزواج
سمسم: يا نيو_ون...
نيو_ون بيقاطعها قبل ما تكمّل :
نيو_ون: بعرف اللي رح تحكيه، الشغل و أهميّه الاستقلالية للمرأة العاملة و إثبات الوجود و الهويّة اللي ما بعرف شو .. ماشي، كل هالحكي على عيني و راسي، بس أنا على بلاطة ما بحبّ أرجع عالبيت ما ألاقي مرتي فيه.
سمسم: و الحل ؟
نيو_ون: إذا لا بدّ من الشغل، اشتغلي بدوام صباحي، أو دوري على شغل تاني يخلص قبل ما أنا أرجع من دوامي
سمسم: و إذا ما لقيت؟
نيو_ون: بتتركي شغلك و بتتفرّغي لبيتك و زوجك
سمسم: أنا حكيتلك إنّي ما بقدر على قعدة البيت ! ما أحلاني و أنا 4 سنين أدرس عشان بالآخر أقعد بالبيت !
نيو_ون: ليش مالها قعدة البيت يا سمسم ؟؟ ما إمّي قاعدة بالبيت، و إمّك قاعدة بالبيت ! حسّوا انّه هويتهم التغت أو شخصيتهم انمحت ؟
سمسم: امّي و إمّك متعودين على قعدة البيت، بس أنا صارلي 5 سنين بشتغل، مش رح أطيق قعدة البيت
نيو_ون بيوقّف السيّارة على باب بيت أبو زعموط و بلتفت لخطيبته:
نيو_ون: سمسومة، حبيبتي.. أنا ما بدّي الغي شخصيتك ولا شي، بس صدقيني إذا استمرّيتي بشغلك هاد أنا و إنتي رح نتعب كتير، فكّري بالحكي اللي حكيتلك اياه، و بكره أعطيني الجواب الصافي.
سمسم بتسكت و ما بتلاقي شي تحكيه
سمسم: طيّب إطلع تغدّا معي، زمان صارلي ما قعدت معك
نيو_ون ( بستغلّ الموقف و ببتسم ): منيح اللي حكيتيها بلسانك، زمان صارلك ما قعدتي معي بسبب شغلك لساعة متأخرة.. فكّري انّه حياتنا لمّا نتزوّج رح تكون على طول هيك، تصبحي على خير حبيبتي.

المشهد العشرون
ليلي/ داخلي
بيت أبو زعموط
الصالون

سمسم بتفتح الباب و بتفوت، بتلاقي بنت عمّها دلوعة الماما قاعدة مع أخوها زعموط و إمها و أبوها
سمسم: دلوعة ؟؟ أهلاً يا قمر، وين هالغيبة؟
بسلّموا التنتين على بعض و بعد البوس و الذي منّه:
دلّوعة الماما: وينك يا شنعة؟ زمان ما شفتك
سمسم: ( بتتنهّد و مبيّن عليها إنها متدايقة) والله مشغولة يا دلوعة
دلوعة الماما: ( بتغمزها) طبعاً ، ما أحلاكي و إنتي مش مشغولة
سوسوني بتنتبه إنّه بنتها متدايقة مش تعبانة:
سوسوني: خير ماما، مالك؟
سمسم: ولا شي ماما ، تخانقت أنا و نيو_ون
كلّهم بصوت واحد: شو ؟
زعموط بنطّ و بعمل فيها يوسف منصور :
زعموط: شو حكالك ؟ شو عمل لك ؟ بدّك أروح اطجّه قتله ؟
كيف حاله : أقعد و اسكت يا ولد !
سوسوني: ليش ماما ؟ شو صار ؟
سمسم: بدّه ايّاني أترك الشغل
كيف حاله و سوسوني بضحكوا
كيف حاله: هاي هيي ؟ طيّب ما هو طبيعي تتركي الشغل لمّا تتزوّجوا يا بابا، كيف بدّك تنسّقي بين شغلك و بيتك بعد الزواج ؟
سمسم: يا بابا ما هو أنا مش رح أطيق قعدة البيت
سوسوني: بتتعوّدي عليها حبيبتي، إنتي ما بتعرفي البيت قدّيش بدّه شغل، بكره مش رح تلاقي وقت تمشّطي شعرك قدّ ما رح تنشغلي بالبيت و مسؤولياته
زعموط: ( بستخفّ دمّه) آه ، بكره لمّا نيجي نزورك ببيتك رح تكوني زي بنت جيرانّا "كنفوشة"
سمسم: هيهيهيهي.. دمّك خفيف
دلّوعة الماما بتتدخّل : بعد إذنكم عمّي و مرت عمّي، بس أنا جرّبت القعدة بالبيت و بعرف، اللي مش متعوّدة على قعدة البيت بتصيبها حالة اكتئاب صدّقوني
سوسوني بتحسّ إنّه دلّوعة بدها تخرّب على سمسم عشان خطيب بنتها أحسن من خطيبها و هو اللي بدّه اياها تشتغل
سوسوني: بس حبيبتي ، نيو_ون مش رح يكون بحاجة لشغل مرته، يعني رح يعطيها مصروف قدّ راتبها بعد ما يتزوّجوا
دلّوعة الماما: كلّهم بحكوا هيك بالأوّل يا مرت عمّي، بدللها شهرين تلاتة و بعدين بصير يحكيلها إمسكي إيدك، وفّري ، بلاش تشتري هالبلوزة ما معنا حقّها ، ليش كل هالماكياج، إنت أحلى هيك من غير ميك-آب.. بلاش تشحني موبايلك بـ12 دينار، إشحنيه بتلاتة .. ما بنقدر نطلع نتعشّا برّه الليلة ما معي مصاري.. و يا سلام لمّا ييجي أوّل بيبي .. لا بتقدر تشتريله الجهاز اللي نفسها فيها ولا بتقدر تجهّز له أوضته على كيفها، و إذا صارت مناسبة و بدها تشتري هديّة بدها تلتزم بالمبلغ اللي بعطيها ايّاه، يعني بعطيها 50 دينار و بحمّلها جميلة إنّه عم يصرف على علاقاتها الاجتماعية كمان !
سوسوني بتبحلق عينيها و دينيها ! شو هاد ؟؟ مدفع رشّاش و اشتغل ؟؟!؟
سمسم: ما أنا هادا اللي بفكّر فيه ! أنا حابّة أضلّ مستقلّة مادياً، ما بدّي أحسّ إنّي عبء عليه بالمستقبل.
كيف حاله: بابا حبيبتي، إنتي عارفة إنّه خطيبك ما بتهمّه الأمور المادية، و شو ما طلبتي منّه ما رح يحكيلك لأ .. ما في مناسبة إلا و بجيبلك فيها هديّة معتبرة، و كلّ عزومة بعزمك ايّاها بفتّ مش أقلّ من 20 دينار
سوسوني: خلص ماما، الموضوع مش مستاهل، لبكره بحلّها الحلاّل.. قومي غسّلي و غيّري عشان نتعشّا، إحنا بعدنا مستنيينك
سمسم واضح إنها تدايقت أكتر بعد الحكي اللي حكته دلّوعة
سمسم: مش جوعانة ماما، بدّي أروح أنام
دلّوعة بتستأذن بعد ما حسّت إنّه الجو توتّر بسبب الكلام اللي قالته
دلّوعة الماما: طيّب، خلّيني أمشي أنا ، تصبحوا على خير
سمسم: و أنا كمان، تصبحوا على خير.

المشهد الحادي و العشرون
نهاري/ خارجي
بيت أبو زعموط
باب البيت

نيو_ون بستنّى بسيارته عشان يوصّل خطيبته على شغلها قبل ما يطلع على شغله
سمسم: صباح الخير
نيو_ون: صباح الورد
سمسم ( بتنتبه إنّه خطيبها مشغّل أغنية سلّملي عليه اللي بتحبّها)
سمسم: كتير بحبّ هالأغنية
نيو_ون: بعرف حبيبتي، عشان هيك شغّلتلك اياها
لحظة صمت طويلة
سمسم: نيو_ون، بعدك بدّك أترك الشغل ؟
نيو_ون: و إنتي بعدك ما بدّك تتركيه؟
سمسم: أنا مش شايفة مانع إنّي أستمرّ بشغلي
نيو_ون: يعني ما فكّرتي بالحكي اللي حكيناه امبارح ؟
سمسم : لأ، فكّرت كتير منيح
نيو_ون: أهه ! و لشو توصّلتي ؟
سمسم: أنا ما رح أقدر أترك شغلي نيو_ون، أرجوك تفهمني ! أنا مصاريفي كتيرة و تعوّدت أشتري كل اللي نفسي فيه من غير ما أحسب حساب
نيو_ون: ليش و مين حكالك إنّي رح أقصّر معك بأي شي رح تطلبيه ؟ قدّيش رح يكون مصروفك ؟ مية .. مية و خمسين دينار بالشهر ؟ مش رح يكسروني
سمسم : مية وخمسين ؟ أنا راتبي 340 دينار و بآخر اسبوع بالشهر بابا و ماما بصرفوا عليّ !
نيو_ون : شو ؟؟ 340 و ما بكفّوكوي كمان ؟ ليش؟ شو بتعملي فيهم ؟
سمسم : شو بدّي أعمل فيهم يا نيو_ون؟ إنت ما بتعرف مصروف البنات ؟
نيو_ون : منيح، معناته بكره بس تصير زوجة رح يبطّل مصروفك هيك
سمسم: شو قصدك ؟
نيو_ون: مش قصدي إشي، بس المسؤولية رح تعلّمك تمسكي إيدك شوي، يعني ببطّل في طلعة عالسوق مع صاحباتك "رنّوش" و "مودي" و ألووءة" كل ما لقيتو حالكم فاضيين، و روحة السينما كل اسبوع مرتين و تلاتة رح نخففها شوي.. و الشغلات اللي بتشتريها و ما بتلبسيها غير مرّة وحدة رح يصير في شي أهمّ منها .. و ...
سمسم: ( بتقاطعه) عن جد عم تحكي نيو_ون ؟
نيو_ون: سمسومتي حبيبتي، طبيعي إنّه حياتك رح تختلف بعد الزواج
سمسم: آه، بس لدرجة انّي ما أقدر أطلع و اشمّ الهوا الهوا مع صاحباتي !
نيو_ون: يا روحي يا عيوني، أنا ما حكيت هيك، بس رح يكون كل شي بحساب، و بعدين كل ما ييجي على بالك تشمّي هوا بنطلع و بنعمل اللي بدنا ايّاه
سمسم: نيو_ون، الموضوع مش سخيف زي ما إنت شايفه.. أنا بحكي عن جد..
نيو_ون: طيّب خلص، اللي بدّك اياه بصير
سمسم: ( بتعصّب) إنت بتاخدني على قدّ عقلي ؟ آه طبعاً .. ما إنت عارف إنّي هبلة و بتقدر تضحك عليّ بكلمتين، بس أنا مش رح أترك شغلي نيو_ون! ما بقدر أعيش محرومة من شغلة نفسي فيها عشان ما معي مصاري
نيو_ون: ليش هو إنتي رح تتزوّجي كنترول باص ؟؟ أنا راتبي بكفّي مصروفي و مصروفك بس بالمنطق و المعقول
سمسم: يعني رح تخلّيني أترك شغلي والاّ أستمرّ فيه؟
نيو_ون: متل ما بدّك حبيبتي
سمسم: ما تضحك عليّ و بعدين تجبرني أعمل اللي بدّك اياه، شغلي مستحيل أتركه و أقعد أستنّى مصروفي منّك كل شهر.
نيو_ون: برضو متل ما بدّك
سمسم : نيو_ون !!!! ما تجنني !
نيو_ون: هو هووووووه .. يا فتّاح يا عليم ! خلص حبيبتي ، بدّك تكمّلي بشغلك كمّلي ، بدّك تتركي إتركي .. بس حياتنا رح تكون جحيم و مشاكل بعد الزواج، من هلأ عم بحكيلك
سمسم: أنا رح أقدر أوزّع وقتي بين بيتي و شغلي
نيو_ون: آآآه ، وقتك .. هو إنتي رح يكون عندك وقت والاّ رح يكون فيكي حيل تعملي شي بعد ما ترجعي عالبيت الساعة 8 المسا ؟ بتضحكي عليّ والاّ على حالك يا سمسم ؟ إحكيلي بس مين اللي لعب لك بعقلك امبارح بعد ما وصّلتك؟ عمّي و مرت عمّي بعرفهم منيح، مستحيل يقبلوا الوضع المشعتل اللي رح تكوني في بعد الزواج إذا استمرّيتي بشغلك، مع من حكيتي امبارح؟
سمسم: شو يعني مع مين حكيت ؟ ما حكيت مع حدا، هادا قراري أنا
نيو_ون: قرار ؟؟ يعني مش ناوية تتركي الشغل؟
سمسم: ( بتتردد ) لأ ، ما بدّي أترك شغلي
نيو_ون بنصدم !! ما توقّع يكون لشغل خطيبته أهمية و أولوية أكتر منّه و من علاقتهم والارتباط اللي بينهم
نيو_ون: حتّى لو كان هالحكي مقابل النكد اللي رح نعيش فيه بعد ما نتزوّج؟
سمسم: مش رح يصير نكد إلاّ لو إنت حابب إنّه يصير
نيو_ون: و المعنى؟
سمسم: إنت عارف المعنى
نيو_ون: ( بعصّب) شغل بالبيت أنا ما بشتغل !!! بدّك ايّاني أكنّس و أطبخ و أغسل و أربّي الاولاد كمان؟؟ لأ !! خلّيني عزّابي مع إمّي أكرملي!
سمسم: ( بتعصّب هيي كمان) شو قصدك ؟ إنت بدّك وحدة تخدمك و تربّي ولادك و بس ؟ و أنا مش مهم أكون مبسوطة أو لأ ؟
نيو_ون: الموضوع انتهى سمسم، أنا حكيت اللي عندي
سمسم بتحسّ إنها وصلت معه لطريق مسدود
سمسم: و أنا حكيت اللي عندي كمان، و واضح إنّه مش رح نقدر نتّفق
نيو_ون بتمنّى يكون فهم كلامها غلط
نيو_ون: شو قصدك؟
سمسم: إحنا مش رح نكون سعيدين مع بعض، إنت بدّك وحدة تلغي شخصيتها و حياتها الاجتماعية و تقعدلك بالبيت، و أنا ما بقدر أكون هالوحدة .. أنا آسفة نيو_ون، المسألة أكبر بكتير من مجرّد شغل و راتب و مصروف.. أنا مش الإنسانة اللي بتقدر تكمّل معها مشوار حياتك
نيو_ون بحاول يستوعب الصدمة بس ما بيقدر
نيو_ون: إنت واعية للكلام اللي عم تحكيه ؟
سمسم: واعية تماماً
نيو_ون: أوكي، أنا إلي كلام تاني مع عمّي و مرت عمّي
سمسم: ( بترجع تعصّب ) شو يعني إلك كلام تاني مع بابا و ماما ؟ حتّى بقرار متل هاد بدّك تلغي شخصيتي و رغباتي ؟؟ أنا اللي إلي الحق أقرر إذا بدّي أكمّل معك أو لأ ، و أنا مش حاسّة إنّي رح أقدر أكمّل معك.. اعذرني
و بتفتح باب السيّارة عشان تنزل و تروح على شغلها و نيو_ون زي الملطوش، مش عارف شو يحكي ولا شو يعمل
نيو_ون : الله معك، بشوفك بالمحكمة

و إلى اللقاء في الحلقة القادمة

الحلقة التاسعة

2008-03-03T02:10:00.000+03:00

المشهد السابع عشر
نهاري/ داخلي
المحكمة

نيو_ون و إمّه و خاله و أبو زعموط و أم زعموط قاعدين بستنّوا عالدور لحدّ ما ييجي دورهم يفوتوا لعند القاضي (العوضات) اللي بدّه يكتب الكتاب و جايبين معهم أخو كيف حاله، فانتوم عشان يشهد عالعقد.
سمسم قاعدة بتفرفك بإيديها و متوتّرة كتير، و نيو_ون مش كتير مبيّن عليه القلق
و أخيراً ، بطلعوا الجماعة اللي قبلهم و فيهم صبيّة بتبكي و الشب اللي معها مش طايق يتطلّع بوجهها
نيو_ون : يا لطيف ! شو هالفال الحلو ؟
كيف حاله : اللي بطلّقوا بهالبلد صاروا أكتر من العاطلين عن العمل يا عمّي، الله يعافينا.
بفوتوا الجماعة لعند القاضي .. و سوسوني واقف جنب بنتها ماسكيتها من إيدها أحسن ما توقع
العوضات: بسم الله الرحمن الرحيم نبدأ .. زواج والاّ طلاق
بيبي : فال الله ولا فالك يا شيخ ! شو طلاق ؟؟ هنّي لحقوا !
بني هاني ( بغطّي على عكّك أخته ) : زواج يا سيدنا القاضي
العوضات : وين بطاقات الزوج و الزوجة ؟
سمسم (بتوشوش إمها ) : إحنا لسّه ما طبعنا البطاقات !
سوسوني بتنكش بنتها : قصده الهويّة، ما تفضحينا قدّام الأجانب!
العوضات بعد ما أخد الهويّات بعطيهم للكاتب اللي جنبه عشان يسجّل بياناتهم و برجّعلهم اياهم
العوضات : كم المهر بإذن الله ؟
بني هاني :المهر الشرعي ليرة ذهب و عليهم ألفين و خمسمية مقدّم و عشر تلاف مؤخّر و ألفين عفش و أثاث و خمسمية جهاز للعروس
العوضات بسجّل تفاصيل المهر و بسأل سمسم :
العوضات : هل استلمت مقدّم مهرك يا عروس ؟
سمسم : نعم ، استلمته
العوضات : و هل وليّ الزوجة موافق على المهر ؟
كيف حاله : نعم يا سيدنا القاضي، موافق
العوضات : على بركة الله .. قولوا وراي
و ببلّش القاضي يملّي نيو_ون و سمسم شو يحكوا و هنّي بحكوا وراه ، و لمّا يخلّص بيطلب هويّات الشهود .. بني هاني و فانتوم و بسجّل بياناتهم و بخلّيهم يمضوا عالعقد
العوضات : زواج مبروك ان شاء الله
بيبي ما بتمسك حالها و بتصير تزغرت..
بني هاني بدقرها بسرعة :
بني هاني : مش وقته هسه يا اختي ! بس نوصل عالدار بتعمل اللي بدّك اياه
طبعاً أهل العريس بسلّموا على أهل العروس و بيباركوا لبعض
و نيو_ون بستغلّ فرصة انشغال الكبار ببعض و بيسلّم على عروسته و بيباركلها :
نيو_ون: مبروك حبيبتي مس.. سم
و بسكت فجأة !
و سمسم عينيها ببقّوا لبرّه !
سمسم: شو حكيت ؟
نيو_ون : (بعمل حاله ما حكى شي ) : بحكيلك مبروك حبيبتي سم- سم !
سمسم: لأ ! إنت حكيت مس !!
نيو_ون: الله يهديكي ! شكلك سمعتيني غلط
سمسم : لأ ! أنا ما سمعت غلط ! إنت حكيت مس- سم !
نيو_ون بدّه يهدّيها قبل ما أبوها و إمها يسمعوها:
نيو_ون : طيّب حبيبتي ، بعدين بنتفاهم، بس نوصل عالبيت
سمسم : لأ ! ما بدّي اتفاهم معك بعدين .. مامااااااااااا !!!
سوسوني بتلتفت لبنتها مفزوعة :
سوسوني : يا ساتر أستر ! خير ماما ؟ شو فيه؟؟
سمسم : بدّي اتطلّق !

المشهد الثامن عشر
نهاري/ داخلي
دار بني هاني
الصالون

بني هاني بفتح الباب و وراه أخته و إبنها :
بني هاني : (معصّب ) شرّف ! تفضّل ! فوت يا اللي جايبلي المصايب !
نيو_ون بفوت و وجهه جايب مية لون و وراه امّه و بفوتوا بقعدوا بالصالون:
بني هاني : إنت و بعدين معك ؟؟ عملتك هاي عملة؟؟
بيبي طبعاً عينيها بالأرض مش عارفة شو تحكي لأخوها
نيو_ون: يا خالي اللي صار غصبن عنّي ! يعني أنا قاصد هالموقف اللي صار يصير ؟ زلّة لسان!
بني هاني : زلّة لسان بهدلتنا و خلّتنا نبوس الأيادي قدّام اللي بسوى واللي ما بسوى ! يعني لولا البنت عاقلة و أبوها زلمة فهمان كان عرفنا نحلّ هالمشكلة اللي وقّعتنا فيها ؟
بيبي : طول عمرك جايبلي الحكي !
نيو_ون : يووووه ! يعني هو أنا شو عملت ؟؟ حكيتلكم زلّة لسان ! الواحد ما بغلط بالحكي ؟؟
بني هاني : لأ ! أكيد بغلط ، بس غلطة عن غلطة بتفرق .. إحنا حكينا انّه موظوع بنت عمّك انتهى و شلتها من راسك ، مش لقيت تتذكّره إلا ساعة كتب كتابك عالبنت ؟؟
نيو_ون : ما هو يا خالي أنا ما بشتغل بكبسة زرّ ! الشغلة بدها شوية وقت !
بيبي : قدّيش وقت يعني ؟؟ لحدّ ما يجيك اولاد و تصير أب ؟؟
بني هاني : و سمسم المسكينة شو ذنبها تتحمّلك لحد ما ما تنسى هالقصّة ؟ هو حدا كان جبرك عليها ؟ مش إنت اللي كنت تركض وراها أيّام زمان و طار عقلك لما خطبها حريقة ؟
نيو_ون: خلص .. خلص يا خالي، أنا رح أصلّح الموقف، رح أعوّض سمسم عن هالغلطة شو ما كان ثمنها
بيبي : والله يمّه، البنت منيحة و عاقلة .. شفت كيف ما رضيت تخسّرك بتبديل الشبكة و قبلت بشبكة اللي ما تتسمّى و ما طلبت منّك تغيّر شي غير المحابس ؟ و ما عندها مانع تسكن معي ، و بتحبّني و ما بتكسرلي كلمة .. شو بدّك أحسن من هيك ؟
نيو_ون : يمّه خلص ! وحياتك ما رح يصير الاّ كل خير .. أنا عارفة قدّيش غلطت بحق سمسم، و مقدّر موقفها و موقف عمّي كيف حاله و مرت عمّي سوسوني.
بني هاني : بكرة بتروح تشتري هديّة معتبرة لخطيبتك و من الصبح بتروح بتعطيها اياها قبل ما تطلع على شغلها .. حرام البنت تروح على دوامها و هي زعلانة
نيو_ون: حاضر
بيبي : و أنا رح أعزم أبو زعموط و أم زعموط بكره عالغدا عشان نتأكد انّه سوء التفاهم انتهى
نيو_ون :
بني هاني : و قبل ما أنسى .. حابب أحكيلك هالشغلة عشان تشيل موظوع بنت عمّك من راسك، شغلة كنت خايفة أحكيلك اياها عشان ما تجرحك ، بس هسه لازم أحكيلك اياها
نيو_ون برفع عينيها مفزوع و بحكي :
نيو_ون : خير !! مس صارلها شي ؟؟
بني هاني : مس انخطبت اوّل امبارح !
نيو_ون : شوووووووووو؟!؟!؟ انخطبت ؟؟ مين اللي خطبها ؟
بني هاني : خطبها إبن خالها، شلهوب
نيو_ون : شلهووووووب ؟!؟!؟ شلهوب ما غيره ؟!؟!؟ هادا صاحبي ! كيف يعمل هيك ؟
بيبي : شو يعني صاحبك ؟!؟؟! البنت آخرتها تتجوّز! شو بتفرق إذا تجوّزها صاحبك والاّ غيره ؟ نصيبها و أجاها زي ما رحت لنصيبك
نيو_ون : لأ ! مستحيل !
بني هاني : أنا آسفة يا خال ، هاذا السبب اللي كان مانعني أحكيلك من أوّل ما عرفت الخبر، بس هسه شايف انّه أحسنلك تعرف عشان تلتفت لخطيبتك و تعرف إنّه بطّل في فايدة من التفكير بالماضي
نيو_ون: يعني خلص ! مس باليستاين صارت لغيري ؟
بيبي : زي ما إنت صرت لغيرها يمّه ، والاّ كنت ناوي تتجوّز على سمسم في المستقبل ؟
بني هاني : إنساها يا خال، هسه كل واحد فيكم صارله حياة جديدة .. الله يهنّيها مع ابن الحلال و يهنّيك مع بنت الحلال اللي صارت على إسمك
نيو_ون بتركهم و بطلع يقعد عالبلكونة عشان يختلي بحاله شوي، بيبي بتقوم بدها تلحقه بس بني هاني بقّعدها :
بني هاني : أتركيه لحاله خيتا، خلّيه يقعد مع حاله شوي.
بيبي : أنا خايفة الولد يفضحنا مع الجماعة ياخوي، إنت عارف قدّيش كان متعلّق ببنت عمّه
بني هاني : إبنك عاقل يا اختي يا بيبي، و هسه هو بحاجة لشوية وقت عشان يرتّب أموره و يعرف كيف بدّه يمشّي حياته الجاية ..
بيبي : الله يجيب اللي فيه الخير
بني هاني : قومي اعمليلنا كاستين شاي
بيبي بتفوت تعمل الشاي، بترجع بتلاقي نيو_ون قاعد مع خاله :
نيو_ون: يمّه ، بدنا نطلع نشتري الهدية لسمسم كمان شوي ، حرام البنت تنام زعلانة
بيبي بتفرح و بتقرّب من إبنها و بتحضنه
بيبي : الله يرضى عليك و يكمّلك بعقلك يا ميمتي .. هادا هو الحكي المزبوط

و إلى اللقاء في الحلقة القادمة

الحلقة الثامنة

2008-03-03T02:08:00.000+03:00

تمهيد لا بدّ منه:
( نيو_ون بلّش شوي شوي يرجع لحياته الطبيعية بعد ما قعد مع خاله أبو قنوة و حلّوا مشكلة الاكتئاب اللي صابته بعد فشل مشروع خطوبته لبنت عمّه .
رجع على دوامه ، و من أوّل يناير رجع إنسان جديد .. و بطّل السجاير و صار يشيل حديد
لكن كانت المشكلة إنّه رافض أي مشروع ارتباط ، و ما في على لسانه غير ( مس باليستاين، ما بعبّي عيني بنات بعد بنت عمّي .. و ما في بنت بتقدر تاخد مطرحها بقلبي ) و من هالحكي، و طبعاً بيبي مش عاجبها هالحكي، و دايماً كانت تقعد و تحكي معه و تحاول تقنعه ، و بالنهاية ما يقتنع)

المشهد الخامس عشر
نهاري/ داخلي
دار أبو نيو_ون
الصالون

نيو_ون راجع من دوامه ، و استغرب لما اضطرّ يستخدم مفتاحه لفتح الباب، لإنه عادةً امّه بيبي بتكون بالبيت بهيك وقت !
نيو_ون ببلّش يدوّر على إمّه ، بطلع من غرفتها عشان يفوت عالمطبخ، و ما بلاقيها بالحمّام بدوّر عليها بالبلكونة
نيو_ون: (مع حاله) إيه ! وين راحت إمّي ؟ عمرها ما عملتها !
بفوت عالمطبخ عشان يشوف شو في غدا ما بلاقي شي، بتزيد حالة الاستغراب و الدهشة عنده، و بصير يشكّ إنّه صار معها شي ! بطلّع موبايله عشان يحكي مع خاله يسأله عنها ، بالوقت اللي بنفتح فيه الباب و بدخل بني هاني و هو ساند أخته و بساعدها عشان تمشي
نيو_ون( مفزوع) : يمّه !! شو مالك ؟؟!؟
بني هاني: مرحبا خال
نيو_ون: مالها إمّي ؟؟
و بركض عشان يسند إمّه و يفوّتها و يقعّدها
بني هاني: ما تخاف يا خالي، بسيطة ان شالله
نيو_ون : شو اللي صار ؟
بني هاني: ولا شي، ارتفاع بسيط بضغط الدم و شكلها إمّك صارلها كم يوم مش ماكلة مليح، أغمى عليها و هي عندي
نيو_ون بصير يبوّس بإيديها و راسها:
نيو_ون: سلامتك يمّه ! ألف سلامة عليكي يا حبيبتي ! ان شالله فيي ولا فيكي .. ألف بعيد الشرّ عنّك يا ستّي و تاج راسي
بيبي ما بتمسك حالها و بتصير تبكي و بعملوا فيلم هندي
بني هاني: نيو_ون، تعال بدّي ايّاك بكلمة يا خال
نيو_ون بحسّ إنّه في مصيبة، و بحسّ إنّه إمّه حالتها أخطر مما حكاله خاله، عشان هيك بقوم معه على طول و بفوتوا على غرفة الضيوف و بغيبوا حوالي عشر دقايق.
برجع نيو_ون بعدها لعند إمّه و برجع ببوس إيدها و هو ببكي :
نيو_ون: إيمتى بدّك نروح نطلب سمسم يمّه ؟ أنا موافق !
بيبي عاملة حالها مسكينة و ما بدها تجبر إبنها على شي ما بدّه ايّاه
بيبي: لأ حبيبي، أنا مش أعمل شي غير اللي بريّحك .. أنا ما إلي بهالدنيا حدا غيرك
نيو_ون: يعني أنا اللي إلي بهالدنيا حدا غيرك يمّه ؟ أنا بلاكي ما بسوى شفرة حلاقة مصديّة ! و سمسم بنت حلال و مش رح ألاقي أحسن منها، بكفّي إنها طول عمرها بتحبّك زي إمّها
بيبي : برغبتك يمّه والاّ غصبن عنّك؟
نيو_ون: لأ يمّه برغبتي، أهمّ شي رضاكي
بيبي بتحضن إبنها و بتحكي زي أمينة رزق بفيلم دعاء الكروان:
بيبي : يا حبيبي يمّه، الله يكمّلك بعقلك
نيو_ون: الله لا يحرمني منّك يا ستّ الكلّ
بني هاني واقف بعيد و بتطلّع بأخته و هي حاضنة إبنها و متفاجئ بمواهبها
بيبي بتغمز لأخوها و بترفع إبهامها
الخطة نجحت مية بالميّة !

المشهد السادس عشر
ليلي/ داخلي
دار كيف حاله
الصالون

كيف حاله و سوسوني قاعدين مع بيبي و أخوها و إبنها بعد ما شربوا البيبسي و أكلو الجاتوه و هلأ أجى دور القهوة اللي بدّه يصير عليها الطلب
بني هاني: والله يا خوي يا كيف حاله، ما في أحسن من الجيرة القديمة، يعني الواحد بغيّر عتبته و بصادف ناس قليل و كثير، بس مثل جيرانه اللي عاشرهم سنين ما بلاقي
كيف حاله : الله يعزّك يابو قنوة ، والله من بعد ما طلعتوا من الضاحية، تقول في ظوّ بالشارع انكسر و ما عرفوا يصلّحوه
بني هاني: ان شالله حبل المودّة ما ينقطع ياخوي يا كيف حاله، و احنا جايين اليوم عشان نرجع نوصله
طبعاً سوسوني و بيبي اللي طول الوقت منشغلات بالحكي، سكتوا فجأة و طرطقوا دينيهم عشان يسمعوا الزلم شو بحكوا
بني هاني: إحنا جايين نطلب إيد بنتكم سمسم لإبنّا نيو_ون
طبعاً كيف حاله و مدامته سوسوني عارفين بالموضوع من ساعة ما حكى معهم بني هاني و طلب موعد عشان يشربوا معهم فنجان قهوة ، هادا غير إنّه اردنية تطوّعت بمهمة التمهيد للموضوع من يوم ما شافت بيبي بالسوق
كيف حاله : والله يا خوي يا بني هاني، الواحد ما بقدر يردّلك طلب .. و إنتو جماعة عاشرناكم سنين و الشهادة لله ما لقينا عشرة طيبة مثل عشرتكم. بس حسب الأصول، لازم نوخذ رأي البنت قبل ما نعطيكم كلمة
و بحكي مع مدامته :
كيف حاله : خلّي البنت تجيب القهوة و تيجي يا ام ام زعموط
سوسوني : حاضر يا ابو زعموط ، عن إذنكم يا جماعة
بتفوت سوسوني تنادي بنتها اللي صارلها ساعة عاملة القهوة و بتستنّى بالمطبخ لحد ما ينادوا عليها
بتميّل بيبي على إبنها و بتحكيله:
بيبي : الله يجعلها من نصيبك ، شوف إمها و أبوها ما أحسنهم !
نيو_ون: كل الناس خير و بركة يمّه
بيبي : الله يجيب اللي فيه الخير
لحظات و بتفوق سوسوني و بترجع تقعد جنب بيبي، و بتفوق وراها سمسم حاملة صينة القهوة و بالعافية قادرة تضبط توازنها عشان الصينية شكلها تقيلة عليها
بيبي بتوشوش إبنها:
بيبي : هاي أوّل ميزة، شايف ما أنحفها ؟ هيك أهلها ما بسترجوا يحكولنا أخدتوها لحم و رميتوها عضم ! جاييتنا عضم و جاهزة!
نيو_ون: يمّه بلاش يسمعونا
سمسم طبعاً فايتة مستحية، بتضيّف عمها بني هاني و خالتها بيبي و نيو_ون، و مع كل كلمة (تفضّل ) لازم تبتسم ابتسامة بريئة و ناعمة
سوسوني : تعالي ماما أقعدي جنب خالتك ام نيو_ون
والله هالسوسوني ما هي قليلة !
بتقعد سمسم جنب ام نيو_ون اللي بتعمل لها سكاننغ من فوق لتحت
بيبي: كيفك حبيبتي ؟
سمسم : بخير الحمد لله ، مشتاقتلك خالتو
كيف حاله: يا بابا يا سمسم، هاي خالتك أم نيو_ون و عمّك بني هاني جايين يطلبوا إيدك منّا ، و إحنا عارفين الجماعة و عارفين اخلاقهم و نيو_ون إبنّا و متربّي بينّا و معنا و بالنهاية همّي منّا و فينا
سمسم: ( بتحكي لحالها ) : ييي ! طلعوا فاستلينك؟
كيف حاله : شو رأيك بابا ؟
سمسم وجهها بزهّر و بتحط عينيها بالأرض :
سمسم : الرأي رأيك بابا
كيف حاله : سيبك من أفلام الأبيض و الأسود هسه ، تعمليش فيها زبيدة ثروت .. موافقة والاّ لأ ؟
سمسم صوتها دوبه اللي مسموع :
سمسم : موافقة بابا
كيف حاله بمدّ إيده و بسلّم على بني هاني :
كيف حاله : مبروك ياخوي يا ابو قنوة ، البنت صارت بنتكم
بني هاني : مبروك علينا وعليكم ..
بيبي ما بتصدّق تسمع هالكلمة، بترقع زغروتة بتلمّ الحارة كلّها و بتبوس سمسم و بتحضنها و بتلفّ بتعمل نفس الشي مع إمّها، و نيو_ون و سمسم بصيروا يتطلّعوا ببعض زي عبد الحليم حافظ و شادية و ببتسموا لبعض و على لسانهم عبارة وحدة :
- مبروك عليّ إنت

و إلى اللقاء في الحلقة القادمة

الحلقة السابعة

2008-03-03T02:07:00.000+03:00

المشهد الثالث عشر
نهاري/داخلي
دار أبو نيو_ون
الصالون

بيبي قاعدة مع أخوها بني هاني بشربوا شاي و بتفرّجوا على فيلم بروتانا سينما، و لمّا يبلّش الفاصل الإعلاني، بتطلّع بني هاني بساعته و بحكي :
بني هاني: شو السيرة ؟ الساعة صارت وحدة ونص و ابنك بعده برّه البيت، هو متعوّد يسهر برّه لهالوقت ؟
بيبي بتتنهّد مهمومة و بتحكي :
بيبي: والله ما أنا عارفة ياخوي، هالولد رح يموّتني بحسرتي!
بني هاني: ليش من غير شرّ ؟
بيبي: صارله شهرين على هالحالة، أخد إجازة من شغله و قعدلي بالبيت، طول الليل سهر لوجه الصبح و برجع بحطّ راسه و بينام للعصر.. بيصحى بيتغدّا و بضلّ قاعد عالتلفزيون و عالكمبوطر و المسا بطلع بيسهر مع اصحابه و هكذا .. احترت شو أعمل له، والله ما انا عارفة شو أعمل !
و هون بيبي ما بتمسك حالها و بتصير تبكي
بني هاني: له له ياختي ! هدّي أعصابك، والله مش مستاهلة
بيبي : أنا حاسّة إنّي مخربة على إبني و أنا اللي قطعت نصيبه مع بنت عمّه
بني هاني: ما حدا بقطع نصيب حدا خيتا، و الموضوع هاذا لازم ينحطّ له حد، شو؟ بدّه يعيش هيك بقية عمره ؟
بيبي: هيّو عندك، بس تشوفه إحكيلك كلمة معه، بلكي يردّ عليك.. إنت عارف قدّيش بحبّك و بسمع كلامك
بني هاني بقوم عشان يروّح
بني هاني: ان شالله، أنا بكره بحكي معه و بوعدك ما بصير الاّ اللي يرظيكو إنتو الاثنين .. يلاّ، تصطبحي بالخير يااختي
بيبي بتقوم تودّع أخوها :
بيبي: و إنت من أهله ياخوي
بفتح بني هاني الباب عشان يطلع بلاقي نيو_ون بوجهه
نيو_ون: خالي ؟ أهلين .. مسا الخير
بني هاني: صباح الخير و إنت الصادق
نيو_ون بتطلّع بإمّه بلاقي عيونها حمرا ، بفهم إنها كاينة تشكي لأخوها منّه و مع هيك بحكي بحذر:
نيو_ون: وين ؟ لسّه بدري خال
بني هاني: بدري ؟ قرّبنا نصلّي الفجر يا خال. فوت نام عشان بكره بدّي ايّاك بموظوع مهمّ، إعمل حسابك تصحى بدري و تيجي عندي نتغدّا مع بعظ .. يلاّ، تصبحوا على خير

المشهد الرابع عشر
نهاري/ خارجي
سوق الخضار
بسطة أبو الخماخم الخضرجي

بيبي قاعدة بتنقّي كيلو كوسا عشان ناوية تعمل محاشي، و أبو الخماخم قاعد بنقّي معها. بيبي بتلاحظ إنّه بغاوز و بعطيها الكوسا الصفرا والدبلانة، بتقبّع معها:
بيبي: أنا بحكي تضلّ مرتاح يا أبو الخماخم، أنا بنقّي اللي بدّي اياه
أبو الخماخم: ولو يا اختي يا أم نيو_ون! أنا طول عمري متوصّي فيكي
بيبي: آه ، ما هو عشان هيك عمري ما أخدت من عندك كوسا إلا و كان مرّة ، أو بيتنجان و كان مبزّر ، أو فاصوليا و كانت منشّفة
أبو الخماخم بمسك حبّة كوسا بدّه يخبطها فيها ، بس بعدين بغيّر رأيه لإنّه بعرف إنه ما رح يخلص منها و من لسانها بنصّ السوق، هادا غير الزباين اللي جابتله ايّاهم و اللي رح تسحبهم من عنده و تحوّلهم لبسطة جاره محشش إذا زعلت منّه
أبو الخماخم: الله يسامحك يا اختي يا ام نيو_ون ! والله اللي بعطيكي اياه ما بعطيه لحدا غيرك
بيبي: بكم كيلو الكوسا اليوم ؟
أبو الخماخم : عشانك ببلاش ( و بتمتم) بس خلصيني!
بيبي بتعطيه الكيس و بتحكيله
بيبي: طيّب خد وزّنلي اتنين كيلو
و فجأة بتسمع صوت وحدة وراها بتسأل عن سعر الزهرة، بتتطلّع بيبي وراها بتشوف جارتها أيّام ما كانت ساكنة بضاحية الرشيد
بيبي : مييين ؟!؟؟!؟؟ أردنية شاورما ؟!؟؟؟
أردنية : مين ؟!؟!؟ ام الفلافل ؟!؟؟
و ببلشو التنتين يطقعوا بعض بوسات تقول كلاشينكوف و فلت عياره
بيبي : شو ؟ إيمتى رجعتي من السعودية ؟
أردنية : صارلي سنتين، و إنتي؟ وين أراضيكي ؟ عرفت إنّك رحلتي قبل ما أرجع بكم شهر
بيبي : آه يااختي، أخدنا بيت بخلدا.. إنتي بعدك بنفس البيت ؟
أردنية: آه بعدني، لازم تيجي تزورينا
بيبي : لازم والله
أردنية : وجيبي معك كنتك، ما شالله كم حفيد صار عندك؟
بيبي بتتذكّر إنها كانت بتدوّر على عروس لإبنها من أيّام حرب البسوس !
بيبي : والله يا اختي بعدنا ما لقينا بنت الحلال، هينا بندوّر
أردنية : عن جد بتحكي؟ يعني إبنك بعده ما تزوّج؟
بيبي : (بتتنهّد) لا والله يا اختي بعده!
أردنية : ( بتضحك) توقّعت هيك برضو!
بيبي: تضحكي بلا سنان ! شو يعني توقّعتي هيك؟ ماله إبني ؟
أردنية : مش إبنك اللي ماله .. ما علينا، طب شو رأيك بسمسم بنت كيف حاله و سوسوني؟
بيبي : سمسم ؟؟ هي مش كانت مخطوبة لحريقة إبن شوكالامي ؟
أردنية : لاااااااااا .. ما تركوا بعض من زمان
بيبي: خسارة! والله البنت حلوة و مربية ! هي صحيح قصب مصّ و بتفوت على بيتهم من خزق الباب .. بس يعني ما شالله عليها كاملة و مش ناقصها غير شوية نصاحة
أردنية بتغمز لبيبي :
أردنية : و ما تنسى إنّه إبنك كان حاطط عينه عليها قبل ما تنخطب، بس أيّامها ما كان يشتغل و ماكان معه مصاري
بيبي : اسمالله عليه إبني هلأ، شغّيل و كسّيب و بفتح بدل البيت عشرة
أردنية : طيّب شو بتستنّي .. الحقي اخطبيله اياها قبل ما تطير منكم، بكفّي إنّك بتعرفيها و بتعرف أهلها و الجماعة ماشالله عليهم ، طول عمرهم بحالهم و عمره ما حدا سمع عنهم غير كل خير
بيبي : والله إنّك جبتيها !
اردنية : بدّك أفاتح إمها بالموضوع ؟
بيبي: بصير .. و ردّيلي خبر عالسريع الله يرضى عليكي .. بلكي انفكّت عقدة هالولد على إيديكي .. و إلك الحلوان
أردنية : هاتي رقم تلفونك تا أحكي معك و أردّلك خبر
بيبي : ما معي تلفون، إبعتيلي إيميل
أردنية : سنحك! شو رأيك أبعتلك فاكس أحسن !
ضحكة مشتركة
بيبي : خير اللهم اجعله خير
أردنية : ان شالله كل خير .. توكّلي على الله

الحلقة السادسة

2008-03-03T02:05:00.000+03:00

المشهد الحادي عشر
نهاري/ داخلي
دار أبو نيو_ون
غرفة نيو_ون

نيو_ون بسريره، نايم و مش نايم و مش قادر على بعد مس باليستاين، مشغّل أغنية (ملهومش في الطيّب) و قاعد بشرب .. شنينيه لحدّ ما قلب بؤبؤ عينه من أسود لأبيض
بتفوق بيبي حاملة بإيدها صينية الغدا و بتحطّها جنبه
بيبي : يا ميمتي يا حبيبي ، و بعدين يعني ؟ لحد إيمتى رح تضلّ على هالحالة ؟
نيو_ون ما بجاوب، و برجع يشرب من الشنينه و هو ماسك القنينة بطرف أصابعه تقول بشرب ويسكي
بيبي : برضاي عليك تقوم تاكل لك لقمة ! حرام عليك اللي بتعمله بحالك.. الدنيا ما خربت، و آخرته سوء التفاهم اللي بينك و بين خطيبتك ينتهي و ترجع الميّ لمجاريها
طبعاً نيو_ون لحد هلأ مش حاكي لإمّه ليش متزاعل مع خطيبته لإنه عارفة إنها مش رح تقبل تكون سبب الخلاف بين إبنها و خطيبته و بجوز تعمل أي شي عشان تصالحهم حتّى لو كان شي بدايقها
نيو_ون: يمّه مش جعان ، بس أجوع بوكل
بيبي : كيف يعني مش جوعان ؟؟ صارلك يومين و هادا التالت من غير أكل ، شو ؟ بدّك تجترّ الأكل اللي أكلته الإسبوع اللي فات ؟
نيو_ون: خلص، والله حكيتلك لمّا أجوع رح أوكل، روحي تغدّي إنتي
بيبي : بتعرفني بقدر آكل من غيرك ؟
نيو_ون: بالله ؟ و مين اللي كانت متخبية تحت الطاولة امبارح و بتمرط بسندويشات الفلافل ؟
بيبي : إيه !!!! إنت شفتني ؟؟ ( انحرجت) ما الجوع كافر يمه!
نيو_ون: صحتين على قلبك يمّه، بس ما تحكيلي بتقدريش توكلي لحالك!
بيبي: طيّب، و إذا حكيتلك انّي بعرف ليش متزاعل إنت و خطيبتك؟
نيو_ون: بفزّ قاعد و بسأل :
نيو_ون: شو ؟؟ من حكالك ؟؟ أكيد هيي أو مرت عمّي أورورا !!
بيبي: لأ يمّه ، خالك بني هاني هو اللي حكالي، بعد ما حلّفته ميت يمين
نيو_ون: طيّب ! أنا إلي حكي مع خالي !
بيبي : تأدّب يا ولد! و بعدين البنت معها حقّ ! أنا لمّا تجوّزت أبوك كان أوّل شرط إلي إنّي ما أسكن مع أهله. يا ميمتي يا حبيبي.. إنت شبّ و ما بتعرف شو المشاكل اللي ممكن تصير بين الحماة و كنّتها قدّ ما يكونوا متفقين و بحبّوا بعض
نيو_ون: إنتي اللي بتحكي هيك يمّه ؟ مش إنتي اللي ما بدّك اياني أبعد عنّك و كان شرطك للعروس اللي بدّي أوخذها إنها تسكن معك !
بيبي : بعرف، بس هادا الحكي كان زمان ، و فكّرت إنّه مس باليستاين كونها بنت عمّك رح تقبل بهالشرط، بس البنت ما بدها و هادا حقها اللي مش من حقّك إنك ترفضه
نيو_ون: والله حيّرتيني يمّه !! يعني مش عارف شو أعمل هسه !
بيبي: هسه بتقوم بتحكي مع خطيبتك و بتصالحها و بتحكيلها ان شالله ما بصير الاّ اللي بنفسك
نيو_ون بحسّ إنّه هادا الحكي رح يقوّي عين مس باليستاين و رح تعتبر إنّه ضعف من خطيبها و رح تلجأ لإسلوب الزعل و البعد في المستقبل عشان تحصل على كل اللي بدها اياه
نيو_ون: مستحيل! هي لازم تقبل باللي أنا بدّي اياه، و بعد هيك أنا اللي بقرر إذا كنّا رح نسكن معك أو لحالنا
بيبي : بالله ؟ يعني المسألة كلّها مين اللي كلمته تمشي ؟
نيو_ون : لأ مش هيك، بس خالي بني هاني حكى حلّ يرضي الكل و مع هيك هيي ما قبلت، مش عارف يعني ، بتلوي ذراعي والاّ شو ؟
بيبي : بجوز مش عاجبتها المنطقة اللي إحنا ساكنين فيها، و برضو هادا حقها
نيو_ون : لأ ، مش رح أخليها تعمل اللي براسها، والله بدّي اياه أنا هو اللي رح يصير
بيبي بتتفاجأ، هو صحيح إبنها، بس بهديك اللحظة بس عرفت قدّيش هو تنح !
بيبي : إيه! شو هالحكي ؟؟ اعقل يمه .. ما تكبّرها و هي زغيرة
نيو_ون: أنا أعطيتها مهلة يوم تفكّر و تردّلي خبر، و هاي صار مارق ثلاثة ايام و هي ولا حسّ ولا خبر ! شو معنى هالحكي ؟
بيبي: البنت ماخدة على خاطرها ! يعني في واحد بحكي لخطيبته هاي اللي عندي.. عجبك عجبك، ما عجبك مع السلامة ؟ إيه ! عليم الله لو أبوك حكالي اياها و احنا مخطوبين كان ...
نيو_ون بغمز لإمّه و بحكي بزعرنة :
نيو_ون: كان شو ؟
بيبي: كان سكتت و عملت اللي بدّه اياه طبعاً!
نيو_ون: اسمالله عليكي ! أنا هاذا اللي بدّي اياه، بدّي وحدة تعمل اللي بدّي اياه، أو عالأقل تضحك عليّ و تحكيلي إعمل اللي بدّك اياه و أنا بعمل اللي برضيها.. مش تكبّر الموضوع و تعمل راسها براسي
بيبي بتزهق من الأخذ و العطا مع إبنها :
بيبي: يعني و آخرتها ؟
نيو_ون برجع بنام و بمسك قنينة الشنينة و بشرب منها
نيو_ون: آخرتها بتعقل و بترجع من حالها و بتعرف إنها غلطانة، بس أنا أروح أراضيها .. لأ و ألف لأ
بيبي : طيب ما تروح إنت، أنا بروح بقعد مع إمها قعدة و بتفاهم معها على كل شي و بقنع البنت باللي بدّك اياه
نيو_ون: باطل يا أم نيو_ون، أخلّيكي تروحي عشان يخجّلوكي و تقبلي باللي بدهم اياه ؟ لعمرها الجيزة واللي بدهم يتجوزوا إذا بدها تكون على حساب كرامتك!
بيبي بتبتسم لإبنها و بتمسح على راسه و بتبوسه و طبعاً بينها و بين حالها ، هي عارفة شو بدها تعمل، رح تروح عند سلفها و سلفتها و تتفاهم معهم عشان بنتهم ترجع تحكي مع خطيبها و يحلّوا هالمشكلة ، خصوصاً و هي عارفة قدّيش الاتنين متعلقين ببعض و ما بقدروا يستغنوا عن بعض
بيبي: الله يرضى عليك و يحميك يا ميمتي، ان شالله ما بصير الاّ كل خير.

المشهد الثاني عشر
نهاري/داخلي
دار مسحول
الصالون

مسحول و مرته قاعدين مع بيبي بالصالون بشربوا قهوة بسولفوا و بضحكوا
بيبي: وين حصّتنا ؟ ما شفتها من ساعة ما جيت
أورورا: حصّتكم زعلانة يا أم نيو_ون، يعني عاملة حالك مش عارفة ؟
مسحول بجحر بمرته عشان يسكّتها، و مع هيك أورورا بتكمّل:
أورورا : يعني بصير اللي إبنك عمله و حكاه للبنت يا أم نيو_ون ؟ هيك الخطّاب بتفاهموا مع بعض ؟
بيبي بتتمتم بينها و بين حالها ( إطلعي منها إنتي و هي بتعمر)
أورورا : حكيتي شي يا اختي ؟
بيبي: لأ يا اختي شو بدّي أحكي .. أنا بس بقول بلاش الخلاف يكبر بين الاولاد، يعني أنا حابّة أقعد مع البنت و أحكي معها، أنا برضوا – بعيد الشر- زيّ امّها و بتسمع منّي
أورورا : شو قصدك يعني ؟؟ إنتي رح تقدر عاللي أنا ما قدرت عليه ؟
مسحول برجع بتدخّل :
مسحول : أم نيو_ون معها حق، قومي نادي البنت من جوّه
أورورا بتعترض :
أورورا: البنت مش حابّة تحكي مع حدا !
مسحول : أنا بقول قومي ناديها !
أورورا : طيّب ! بس ما تصيّح
بتقوم أورورا عشان تنادي بنتها، و بتضلّ بيبي قاعدة مع سلفها اللي ما بعرف شو يحكي :
مسحول : والله حقّك علينا يا اختي يا أم نيو_ون، بس أنا غلبت مع هالبنت و مش عارف كيف أتفاهم معها .. والله كل يوم بقعد معها و بنحكي بالموضوع و هي ما في على لسانها غير "أنا ما بسكن إلاّ لحالي"
بيبي: معلش ياخوي يا ابو مس باليستاين ، ان شالله سحابة صيف و بتعدّي
مسحول : ان شالله
بيبي: أنا فاهمة عالبنت، يعني مرتك قبلت تسكن مع أهلك لمّا تزوّجتوا ؟ مع إنّه بيتكم كان يوسع تلات أربع عيَل !
مسحول : والله إنّك صادقة ! شو نعمل للنسوان ؟ طول عمرهم عقلهم زغير
بيبي بتتنحنح عشان مسحول يصلّح زلّة لسانه، و مسحول بيجي يكحّلها بعميها:
مسحول: لا يا اختي أنا ما بحكي عنّك
بيبي بترجع تتنحنح
مسحول : لأ يعني ، قصدي إنتي وين و النسوان وين ؟
بيبي بتقبّع معها :
بيبي: خلص خلص ياخوي ! الفكرة وصلت !

فجأة، بتفتح مس باليستاين باب غرفتها و بتطلع لمرت عمّها
عينيها منفّخين من العياط، و شعرها منكوش و مش حاطّة ولا نتفة مكياج و بإيدها كيس كبير
بيبي بتشهق أوّل ما تشوفها
بيبي: مين هاي ؟!
مس باليستاين بتقرّب على مرت عمّها، و بتعطيها الكيس و بتحكيلها
مس بالستاين : هاي شبكة المحروس إبنك ! إحكيله لمّا يعرف كيف يعامل خطيبته ييجي يحكي معي !
بيبي بتفتّح عينيها عالآخر و هي مش مستوعبة اللي عم بيصير
بيبي: طوّلي بالك حبيبتي، كل مشكلة و إلها حلّ ! إذا هيك بدكم تحلّو مشاكلكم مش رح تعرفوا تعيشوا مع بعض !
مس باليستاين : آم سوري مرت عمّي .. هادا اللي عندي.. و إذا إبنك عنده حكي يحكيه خلّيه يوفّروا .. إتس أوفر فور مي .. فينيتّوو
بيبي : طيّب و ليش بتسبّي ؟؟
مسحول بنزعج من تصرّف بنته، بقوم بدّه يسكّتها، بتتدخّل أورورا :
أورورا : خلص ! البنت ما بدها ايّاه ! يعني هو التاني اللي عمله مش قليل، و بدل ما ييجي يعتذر باعت إمّه ؟
بيبي: ليش مالها إمّه ؟؟؟
أورورا : مالهاش ! خلص، هاي إبنك عندك .. إشبعي فيه
مسحول : بس ولا كلمة ! ماليش رأي أنا هون ؟
مس باليستاين : رأيك على راسي من فوق بابا، بس أنا ما عاد بدّي ايّاه لنيو_ون، اللي بتعامل هيك مع خطيبته ما بلزمني .. و هادا جوابي النهائي
بيبي: يعني ما بصير نستعين بالجمهور ؟
مس باليستاين : الحلقة انتهت مرت عمّي ..

الحلقة الخامسة

2008-03-03T02:04:00.000+03:00

المشهد التاسع
ليلي/داخلي
دار مسحول
غرفة الضيوف

نيو_ون سهران عند دار عمّه مسحول ..
مسحول و أورورا قاعدين بتفرّجوا عالتلفزيون بالصالون و بنتهم قاعدة مع خطيبها بغرفة الضيوف و الباب مفتوح طبعاً
فجأة بتقوم مس باليستاين بتسكّر الباب
نيو_ون ما بصدّق :
نيو_ون : يا حبيبتي ! والله من زمان كان نفسي أسكّره
مس باليستاين بتتطلّع فيه تطليعه بتسكّته فيها، و بتيجي تقعد جنبه
مس باليستاين : ما بدّي بابا يسمع شو بدّي أحكي، لإنّه مش رح يعجبه
نيو_ون: يعني مش رح يعجب أبوكي و رح يعجبني أنا ؟ هاتي أشوف، شو بدّك تحكي؟
مس باليستاين : الموضوع مش جديد.. و حكينا فيه أكتر من مرّة
نيو_ون : مس حبيبتي، إذا بدّك تحكي بموضوع إمّي، يفضّل ما تحكي بالمرّة !
مس باليستاين : طيّب ليش ؟
نيو_ون: من غير ليش ! أنا من البداية فهّمتك إنّه إمّي بكفّة و الدنيا كلّها عندي بكفّة، مش منطق يكون بيتنا كبير و فاضي و فيه 7 غرف و أنا أروح أستأجر شقّة بمبلغ و قدره ؟
مس باليستاين: مش مجبورين ناخد شقّة غالية ، بناخد شقّة على قدنا !
نيو_ون: مش مسألة إيجار،إمّي ما بتركها لحالها !
مس باليستاين: ليش إنت رح تتركها و تسافر! ما إحنا رح نضلّ نطلّ عليها كل كم يوم
نيو_ون: بالأوّل بتبلّش هيك ، كل كم يوم ، بعدين كل كم اسبوع و بعدين كل كم شهر .. لأ حبيبتي.. إنسي الموضوع تماماً. و بعدين حياتي إمّي بتحبّك كثير كإنّك بنتها، هي صحيح لسانها بفصّل 14 لسان، بس والله قلبها طيّب
مس باليستاين : لا ما هو واضح !
نيو_ون : بالله ! طيب بتتذكّري الساعة اللي عجبتك الشهر اللي فات و ما اشتريتلك اياها و رجعت جبتلك اياها بنفس الليلة .. بتعرفي إنّه إمّي هي اللي اشترتلك اياها بعد ما بهدلتني عشان خليّتها بنفسك ! و مش بس هيك .. دايماً توصّيني عليكي و تحكيلي بنت عمّك هاي جوهرة، أوعى تزعّلها
مس باليستاين بتتفاجأ، لإنها بتفكّر مرت عمّها ما بتطيقها أو عالأقل ما بتحبّها هلقد، و مع هيك بترجع تحكي :
مس باليستاين : ما اختلفنا، بس صدّقني.. أنا ما رح آخد راحتي و أنا معها بنفس البيت.. أنا بدّي بيت إلي أنا .. أطبخ فيه شو ما بدّي .. أنام و أصحى ساعة ما بدّي .. ألبس كيف ما بدّي .. مرت عمّي مش رح تدايقني بس أنا مش رح أكون حاسّة انّه البيت بيتي
نيو_ون : يا مس باليستاين، البيت كبير ! يعني ممكن نوخذ غرفتين و نسكّر عليهم باب واحد و نعملها غرفة نوم و صالون إذا كثير حابّة تكوني على راحتك !
مس باليستاين بنفذ صبرها عشان مش عارفة تقنع خطيبها
مس باليستاين : افففففف !! أنا مش رح أقدر اقنعك !
نيو_ون كمان بتدايق من كلامها بس بضلّ لطيف معها عشان ما يزعّلها :
نيو_ون: يا حياتي أنا ما بقدر أترك إمّي لحالها
مس باليستاين: خلص، ما تتركها لحالها.. خلّيها تروح تعيش مع خالك بني هاني
نيو_ون : بالله !! عن جد بتحكي إنتي ؟؟ أخلّيها تترك بيتها عشان إحنا الاتنين لحالنا نوخذ بيت بسبع غرف ؟! بأي منطق بتحكي ؟ و بعدين خالي بني هاني آخرته رح يلاقي بنت الحلال و يتزوّج، يعني مرت خالي بالمستقبل رح تقبل إمّي و إنتي لأ ؟
مس باليستاين: شوف حبيبي، الموضوع مش موضوع إمّك.. أنا إمّي ما بقعد معها ببيت واحد .. بدّي بيت إلي أنا .. أرتبه و أصمم ديكوره زي ما بدّي
نيو_ون: شكلنا مش رح نعرف نتفاهم !
مس باليستاين: إنت اللي بدّك نعيش بمشاكل !
نيو_ون: طيب خلص .. سكّري على هالسيرة
مس باليستاين: لأ ، مش رح أسكّر على هالسيرة .. هاي شغلة لازم نحلّها من هلأ
نيو_ون بعصّب مزبوط هلأ :
نيو_ون: إنتي بدّك تعملي مشكلة وخلص ؟؟
مس باليستاين : أنا اللي بدّي أعمل مشكلة ؟؟ والاّ إنت اللي ما عندك تفاهم و لازم كلمتك هي اللي تمشي ؟
نيو_ون : أنا بحكي بالمنطق .. بس إنتي اللي أبصر مين لاعب بعقلك !
مس باليستاين: شو قصدك ؟
نيو_ون: ما قصدي شي !
مس باليستاين: لأ قصدك .. بس بحب تعرف إنّه ماما ما إلها دخل بالحكي اللي بحكيه
نيو_ون : شو جاب سيرة إمّك هلأ ؟
مس باليستاين: إسمها مرت عمّي .. مش إمّك !
نيو_ون: مس باليستاين ! استهدي بالله !! بدّك تعملي شكل و خلص ؟؟
فجأة بنفتح الباب و بطلّ مسحول و هو معصّب :
مسحول : إحنا مش حكينا الباب يظلّ مفتوح ؟ شو كاينين تعملوا ؟
نيو_ون بفزّ واقف عشان يروّح:
نيو_ون: هاي أبوكي أجى ، إحكيله اللي حكيتيلي اياه و شوفي شو رأيه .. تصبحوا على خير

المشهد العاشر
نهاري/داخلي
دار بني هاني
الصالون

طبعاً بني هاني عرف بالخلاف اللي بين إبن أخته و خطيبته .. قام ناداهم عشان يتفاهم معهم على حلّ يرضي جميع الأطراف .. و بالفعل ، أجى مسحول و مرته و بنتهم و نيو_ون و قعدوا قعدة مشاورة عشان يحلّوا المشكلة

أورورا : يعني ياخوي يا بني هاني، البنت مش طالبة غير حقّها، و أنا بعرف سلفتي أم نيو_ون قلبها طيّب و بتحبّها للبنت ، بس إنت ما بتعرف المشاكل اللي بتصير من تحت راس سكن الولد و مرته مع إمّه
مسحول شكله عامل مشكلة مع مرته و بنته قبل ما ييجوا لعند بني هاني
مسحول : مزع يمزع رقبتها و رقبتك بيوم واحد ! أصلاً ما حدا حشى راسها بهيك أفكار غيرك !
أورورا : أنا ! الله يسامحك ! بتعرفني بدوّر على خراب بيت بنتي ؟ البنت هي اللي بدها هيك و أنا اقتنعت برغبتها
بني هاني : طيّب يا جماعة الخير، أنا لقيت حلّ رح يرضي الكلّ
نيو_ون و مس باليستاين بصيروا يحكوا بوقت واحد
نيو_ون: طلعة من البيت مش طالع ، و إمّي تيجي تسكن معك، إنسى
مس باليستاين : أنا بدّي بيت إلي لحالي إن شالله يكون خشّة بجبل الهاشمي الجنوبي، أهم شي يكون بيتي لحالي
بني هادي : استهدّوا بالله .. إنت مش رح تطلع من بيت إمّك يا خال ، و انتي يا عمّو رح يكونلك بيت خاصّ فيكي
فجأة كلهم بسكتوا و بتطلّعوا ببني هاني ، بعرفوا انّه مخّه مفتّح و دايماً عنده حلّ لكل مشكلة
مسحول : إحكي اللي عندك ياخوك
بني هاني : بنعمّر طابق ثاني ، على قدّ مصرياتكم .. و أنا منّي و عليّ رح أقيملك العمدان و أجيبلك البلوك و الخشب و الاسمنت .. إنت ما عليك غير تتفق مع المقاول و المهندس و تحكيلهم التصميم اللي بدّك اياه، و ما في داعي تعمّر عالسطح كامل ، خذ نصّه و عمّر عليه شقة غرفة أو غرفتين و صالة .. هيك بتكون ما تركت إمّك و بنفس الوقت صار عند مس باليستاين بيت خاصّ فيها. شو حكيتوا
مسحول : يرحم بيّك يابو قنوة ! هاذا هو الرأي الصح .. و أنا موافق
نيو_ون : والله فكرة يا خال ! شو حكيتي مس باليستاين ؟
مس باليستاين بتضل ساكتة ، و واضح انّه مش عاجبها الحكي
مسحول : ما تحكي يا بنت !!!!
مس باليستاين : ما هو يا بابا ....
مسحول : ما هو شو ؟؟؟ بدّك بيت خاصّ فيكي ، هاي رح يصيرلك مخروب .. شو بدّك غير هيك ؟؟
نيو_ون بلاحظ انّه خطيبته مش عاجبتها الفكرة ، و إذا وافقت رح توافق غصبن عنها و مش رح تكون راضية.
نيو_ون : معناته الموضوع مش موضوع بيت خاص و خصوصية و هالحكي اللي صارلك شهر داوشيتني فيه .. إنتي ما بدّك تكوني قريبة من امّي بأي شكل .. صح ؟
مس باليستاين : أنا ما بدّي مشاكل
نيو_ون : مس باليستاين، شو المشاكل اللي بتحكي عنها و إنتي رح تكوني ببيتك و امّي ببيتها ، و بعدين هاي خالي ما قصّر و بدّه يساعدنا بأي طريقة ..
مس باليستاين : مش حلّ! هيك رح نلزّق عندها بقية حياتنا، و أنا بصراحة .. ما بدّي أكون قريبة من مرت عمّي بأي شكل !
مسحول : عمى الدبب ! شو هالحكي يا مقصوفة الرقبة ؟
أورورا : شوي شوي عالبنت يا زلمة !
نيو_ون بتقبّع معه بس يسمع بنت عمّه بتحكي هيك عن أمّه .. و بصير يحسّ إنه امّه رح تعاني بسببها ، خاصّة و هو بعرف قدّيش بتحبّه و بجوز تسكت على تصرّفات مس باليستاين عشان ما تزعّله و هالحكي على حساب راحتها.
نيو_ون : وين أروح فيها لإمّي يعني ؟ أودّيها على دار العجزة ؟؟ اسمعي يا مس باليستاين، امّي بتيجي فوق الكل .. فوقي و فوقك و فوق أبوكي و إمّك، و الحلّ اللي قدّمه خالي بني هاني إذا مش عاجبك ولا جاي على هواكي ، معناته لا بتلزميني ولا بلزمك
مس باليستاين بتتفاجأ بكلام خطيبها و أبوها و إمها نفس الشي
مس باليستاين : شو بتحكي نيو_ون ؟؟ معقول عشان شغلة تافهة زي هيك تحكيلي هيك حكي ؟
مسحول و بني هاني بصيروا يهدّوا بالشب و يبردّوا الموقف شوي، و نيو_ون مش قادر يشوف غير انّه مس باليستاين مش قابلة بأي حلّ يخليها قريبة من امّه
نيو_ون : هاي مش شغلة تافهة، احترامك لإمّي جزء من احترامك إلي أنا، و اللي بتحكيه ما فيه أي منطق ولا أي إنسان عاقل بفهمه. أحكيلك؟ خالي ، أنا لا بدّي أعمّر ولا بدّي أحط مصاريف زيادة بطعمة و بلا طعمة .. إحنا رح نسكن مع امّي بنفس البيت و أنا و إنتي بدنا نخدمها بعيونّا، عاجبك على هيك أهلا و سهلا، مش عاجبك مع السلامة.
مس باليستاين : شو قصدك مع السلامة ؟
نيو_ون : قصدي إنتي فاهمتيه منيح .. معك من هون لبكره تفكري و تعطيني ردّك النهائي، و ساعتها يا بنكمّل مع بعض يا كل واحد منّا بروح بطريق .. السلام عليكم

الحلقة الرابعة

2008-03-03T02:02:00.001+03:00

المشهد الثامن
ليلي/داخلي
صالة الاحتفالات

الدنيا معجوقة آخر عجقة
و القاعة يا دوب واسعة الناس اللي فيها
مس باليستاين مصمودة عاللوج، لابسة فستان خطبة لونه بيج على دهبي و رافعة شعرها زي شارليز ثيرون بحفلة توزيع جوائز الأوسكار و قاعدة تستنّى حضرة جناب العريس يشرّف
منصّة الرقص معبية عالم عم ترقص و تدبك على أغنية ( لي بتقصّر تنّورة ) ..
طبعاً أورورا عينيها على بنتها و كل شوي بتنزل عشان تتطمّن إنّه المعازيم مبسوطين و بترد ترجع تزبّطلها فستانها أو تمسّح عرقها أو تتطمّن عالتسريحة
مس باليستاين: ماما ، مش كإنّه نيو_ون تأخّر ؟
أورورا بتتطلّع حواليها و بتشوف بيبي عم توزّع كيك و عصير عالمعازيم و بتاكل و بتشرب معهم بنفس الوقت
أورورا : لأ ، هاي مرت عمّك العقربة هون، يعني الولد ما انخطف
مس باليستاين : كان مفروض يكون هون من ساعة!
أورورا : طوّلي بالك حبيبة ماما ، هلأ بيجي .. تسلميلي ما أحلاكي ، والله طالعة زي القمر .. قل أعوذ برب الفلق .. فكّي هالكشرة مش حلوة المعازيم يشوفوكي زعلانة
شوي، سكت صوت الموسيقى، و شغّل الدي جي أغنية ( ما تزوقيني يا ماما قوام يا ماما ، ده عريسي جاي ياخدني بالسلامة يا ماما )
بيبي رمت الكيك و العصير على جنب و ركض على باب القاعة ، و رقعت هالزغروتة و صارت تهاهي :
هييييييي هاي ضيفتك يا عريس هاي ضيفتك حييها
هيييييي لا تسمع من كلام أمك هاي جاهلة ربيها
هييييي ضيفتك يا عريس هاي ضيفتك كرّمها
هييييي لا تسمع من كلام أمها هاي جاهلة علّمها
لولولولولولولوولولولييييييييييييييش
مس باليستاين بتكون بدها توقف، بس تسمع مهاهاة مرت عمّها بتبطّل
مس باليستاين : شووو ؟؟ شو قصدها مرت عمّي ؟ أنا جاهلة ؟؟
طبعاً بيبي بتكون متوقعة هيك شغلة ، بتقوم بترقّع الموقف بس بعد ما تكون وصّلت الرسالة للبنت و إمّها ، بترجع بترقع كمان مهاهاة :
هيييييي يا ابن العم يا شعري على ظهري
هيييييي إن جاك الموت لارده على عمري
هيييييي يا ابن العم يا ثوبي عليي
هيييييي إن جاك الموت لارده بيديي
هيييييي يا ابن العم يا ثوب الحريري
هيييييي لحطك بين جناحي وأطيري
لولولولولولولولوليييييييييييييييييييش
طبعاً نيو_ون ماشي بين خاله بني هاني و عمّه مسحول آخر أناقة
بدلة سودا و قميص أزرق .. شعره طالع من تحت السشوار و وجهه بتنطّ الفرحة منّه ..
بمشي المسكين و هو بحكي ( يا رب ما اوقع ) لحد ما يوصل لعند عروسته، بسلّم عليها و ببوسها على جبينها، مش أدباً منّه ، بس خايف عمّه مسحول يلحقه بالعصاية لو باس بمكان تاني
نيو_ون : مبروك حبيبتي
مس باليستاين : ليش مش لابس كرافة ؟
نيو_ون : إضحكي بلاش الناس تشوفك مكشّرة تقول ماخذيتني غصبن عنّك
طبعاً أم العريس و خاله و أم العروس و أبوها بستنّوا عالدور عشان يبوّسوا العرسان و يباركولهم .. و أخيراً بقعد نيو_ون و مس باليستاين على كراسيهم ، بتقوم مس باليستاين بتقرّب على عريسها و بتصير توشوش فيها و نيو_ون مش سامع شي من دوشة الموسيقى و الأغاني، و بضطرّ يعلّي صوته عالآخر عشان تسمعه
نيو_ون : شو بتحكي ؟
مس باليستاين : ما بحكي شي، بس العرسان لازم يضلّوا يتوشوشوا و هنّي قاعدين عشان يبيّنوا مبسوطين
نيو_ون : زي ما إحنا قاعدين نعمل هسه ؟
مس باليستاين : أيوه حبيبي ، زي ما إحنا عم نعمل هلأ
نيو_ون :آآآآآآآآه ، هسه فهمت !
بتستمرّ الحفلة بين رقص و أغاني، و بيبي بتبرم بين المعازيم و كل شوي بترجع لعند إبنها نكاية بأورورا اللي بتعمل نفس الشي .. و بتوشوش إبنها :
بيبي : شو قاعدة بتحكيلك بنت أورورا ؟
نيو_ون: ولا شي يمّه ! عروس بتحكي مع عريسها .. شو بدها تحكيله يعني ؟ قدّيش سهم البنك العربي اليوم ؟
بيبي : طيّب ! أنا بفرجيك و بفرجيها بكره !
طبعاً نيو_ون بحكي مع إمّه و هو راسم ابتسامة عريضة عشان ما حدا ينتبه لشي، و فجأة بطلع خاله بني هاني عاللوج و بوشوش أخته بتقوم تنزل معه و بتطلّع على إبن اخته و بغمزه ( هيني ريّحتك منها .. تفضّى لخطيبتك )
شوي بتطلع بيبي عاللوج مرّة تانية حاملة علبة الشبكة .. بتحطّها عالطرابيزة الزغيرة اللي قدّام العرسان عشان المصوّرة تصوّرها و تدخلها بشريط الحفلة ، بفهم نيو_ون و مس باليستاين إنّه أجى وقت التلبيسة بقوموا واقفين و بترجع بيبي تهاهي
هييييييي ريتها مبروكة سبع بركات كما بارك محمد على جبل عرفات هيييييييي يا ابو مس باليستاين يا نسيبنا والنسب ما هو عيــب هييييييي والنسـب زي الذهــب ينحط جـوّا الجيــب
لولولولولولولولولولولييييييييييييييييييش

هيييييي عدينا المال في فيّ التفاحة هيييييييي نسبنا رجال وأخذنا الفلاحة هييييييي عدينا المال في فيّ الليمونة هييييييي نسبنا رجال وأخذنا المزيونة
لولولولولولولولولوليييييييييييييييييييش

بمسك نيو_ون الشبكة و بقعد يلبّس بخطيبته قطعة قطعة ، و بين كل تلبيسة و تلبيسة بترقع أمّه زغروتة .. لحد ما يخلّص تلبيس و بترجع تبوّسه و تبوّس عروسته و بالمرّة بتروح بتبوّس أورورا و بباركوا لبعض
و بعد شوي ما بلاقي غير إمّه جابتله صينية فيها قطعة كيك و كاستين عصير لزوم المشهد التالي
نيو_ون : هاي الكيكة إلي ، ان شالله بتمدّي إيدك عليها!
مس باليستاين : شو هاد ؟؟ كيك ؟؟ أنا بدّي سندويشة شاورما!
أورورا واقفة فوق راس بنتها و سامعتها :
أورورا : كلي و انتي ساكتة .. يلاّ يا عريس .. طعمي عروستك و شرّبها
نيو_ون: أنا مش فاهم لشو هالحركة ؟ يعني خلص! قمّة الرومانسية لمّا نطعمي بعض كيك و نوكل من قطعة وحدة ؟ ما يجيبوا لكل واحد قطعة يوكلها لحاله !
بيبي بتتطلّع بإبنها عشان تسكّته :
بيبي : طعمي و إنت ساكت !
نيو_ون : طيّب يمّه ! تعصبيش عليّ!
و بنتهي مشهد الأكل و الشرب على خير ، هلأ بيجي دور رقصة السلو
بتطلع بيبي و سلفتها عند العرسان عشان ينزّلوهم يرقصوا
مس باليستاين طبعاً لازم تعمل حالها مستحية و ما بدها عشان تبهج لمّا تقوم ترقص، بس نيو_ون ما بصدّق، بمسك إيد عروسته و بنزلوا يرقصوا على أغنية ( مش حبّ و بس ) لهاني شاكر
مس باليستاين : شو هاد ؟ ما بدّي هاي الأغنية! حطّولي أغنية تايتانيك !
بيبي بتقرصها من غير ما حدا ينتبه و بتعمل حالها بتمزح مع العروس :
بيبي : ريتك تغرقي و ما نعرف نطلّعك ! ارقصي و انتي ساكتة!
و طبعاً مس باليستاين المسكينة ما بدها تعمل فضيحة ، بتقوم بتصير ترقص مع عريسها و هي مش مصدقة إيمتى تخلص الأغنية و ترجع تقعد مكانها ، عشان نيو_ون صار داعس على رجلها حوالي 17 مرّة ، و المعازيم فجأة صاروا كلهم حبّيبة و كل واحد قام يرقص مع اللي معه حواليهم فالمسكينة بطّلت قادرة تتنفّس
و أخيراً ، انتهت الحفلة على خير و سلام .. و كل المعازيم فلّوا بعد ما تعشّوا على طول و ما ضلّ غير أهل العروس و العريس المقرّبين.
و فجأة بتتذكّر مس باليستاين شغلة مهمة :
مس باليستاين : ماما أنا جوعانة !
بتنطّ بيبي عشان ما تخلّي البنت تاخد إبنها يعشّيها برّه بمطعم غالي :
بيبي : أنا عاملتلكم عشا مرتّب .. بنتعشّى كلّنا بالبيت
نيو_ون : لأ يمّه دخيلك ! بلاش فلافل الليلة !مش وقته!
بني هاني فاهم على أخته طبعاً، بقوم بتدخّل بسرعة :
بني هاني : له يا اختي ، خلّي الاولاد يوخذوا راحتهم ! خذ عروستك يا خالي و اعزمها على مطعم مرتّب .. و احنا بنروح و بنتعشّى عندي بالبيت ، أنا موصّي على عشا جاهز
بيبي بتضطر تستسلم عشان ما بتقدر تثنّى كلمة لأخوها
مسحول بقرّب من بنته و ببوسها وبباركلها و بمسك إيدها و بحطّها بإيد عريسها :
مسحول : دير بالك عليها يا عمّي ، ان شالله ريته ألف مبروك

وإلى اللقاء في الحلقة القادمة

الحلقة الثالثة

2008-03-03T02:00:00.000+03:00

المشهد السادس
نهاري/ خارجي
السوق
محلّ الدهب

نيو_ون طالع مع إمّه و خطيبته و إمّها عشان يختاروا الشبكة
مس باليستاين جاي على بالها تشتري الشبكة كلّها دهب أبيض ، و ممكن تشتري خاتم و إسوارة دهب إيطالي عيار 18 عشان تصميمات الدهب الإيطالي بتكون كتير ناعمة و عصرية
بيبي طبعاً مش عاجبها الوضع .. و طول ما هي ماشية مع إبنها و هي تنبر :
بيبي : ما تصير مجنون زيّها ! شو اللي دهب أبيض ؟؟ الدهب الأبيض سعره بسهر الدهب العادي، بس لما تيجي تبيعه سعره بنخسف بالأرض!
نيو_ون بحكي بصوت واطي عشان مس باليستاين و إمها اللي ماشيين قدّامهم ما يسمعوهم :
نيو_ون : يمّه هو أنا بدّي أبيّعها دهبها؟ البنت عاجبها الدهب الأبيض .. خليها تشتريه .. هدول مصرياتها و بتشتري فيهم شو ما بدها
بيبي : هلا هلا .. من أوّلها رح تمشّي كلمتها عليك ؟
نيو_ون : له يا أم نيو_ون ، بس الحق حق .. يعني إنتي لمّا بدّك تيجي تهاديها ، بتقدري تجيبيلها قطعة ذهب عيار 24 على ذوقك ، بس هذول المصريّات إلها، ان شالله بدها تجيب فيهم ذهب روسي أبو قشرة.
بيبي بتعمل حالها مسكينة :
بيبي : أنا كنت عارفة إنه هادا اللي رح يصير .. لأ ، هيك و لسّاتها ما صارت ببيتنا .. بكره رح تطرّني برّه أنا و شلاشيلي، و طبعاً إنت مش رح تسترجي تحكيلها ولا كلمة
نيو_ون : أنا ؟؟ الله يسامحك .. والله إنتي عالراس و العين و مس باليستاين بتحبّك زي إمّها بالزبط.
بيبي : لا ، ما هو واضح، ما شفتها لمّا جينا نركب بالسيارة ، قال بدها هي اللي تركب جنبك .. ما عملتلي اعتبار لحد ما إنت حكيتلها تقعد بالخلفي !
نيو_ون : يا حبيبتي يا إمّي .. الف مرّة حكيتلك ، كانت قاعدة جنبي قبل ما تنزلوا إنتي و مرت عمّي ، و لما جيتوا كانت قاعدة بتطلع من السيارة عشان تركب ورا .. يعني احترمتك و قدّرت واجبك من غير ما حدا يحكيلها
بيبي : و بتدافع عنها كمان ؟
نيو_ون: يمّه صلّي عالنبي ! مس باليستاين خطيبتي .. كيف ما بدّك ايّاني أدافع عنها ؟
طبعاً مس باليستاين مش سامعة شي لإنهم مشغولة بالفرجة على محلاّت الدهب، بس إمها ، الست أورورا، مفتّحة دان مع بنتها و دان مع بيبي و إبنها
مس باليستاين بتحكي فجأة :
مس باليستاين : ماما ! هادا الطقم اللي حكيتلك عنّه !! .. نيو .. خلّيني نفوت نشتريه
بيبي بتتدخّل بسرعة :
بيبي : نشتريه قبل ما نعرف كم سعره ؟
نيو_ون بحكي بسرعة عشان يغطّي على لهجة امّه الناشفة مع العروس :
نيو_ون : ليش لأ حبيبتي ؟ تعالي
بيبي بتلوي شفايفها و بتتمتم:
بيبي: حبّها برص هي و إمّها !
فاتوا الجماعة على المحل، و طبعاً البيّاع عرف من هالجمعة المباركة إنهم جايين يشتروا شبكة
تطلّع بالعريس ، لقاه صاحبه نيو_ون، و نيو_ون عرفه على طول :
نيو_ون : مين ؟؟ دون كورليوني ؟
دون : نيو_ون ؟؟!؟ ولك شو جاي تعمل ؟؟ شكلك بعيد الشرّ عنّك جاي عريس !
نيو_ون بتطلّع فيه نفسه يطخّه .. بس بضطرّ يمرّقله اياها حفاظاً على بريستيجه قدّام العروس و إمها :
نيو_ون: آه والله يا أخي ، شكلنا وقعنا و ما حدا سمّى علينا
مس باليستاين بتزوره بعينها عشان يرقّع الموقف
دون: والله يا أهلا و سهلا .. الف مبروك ان شالله .. مين العروس ؟
أورورا بتتدخّل : أنا ؟
دون بحسّ إنّه استخفّ دمّه أكتر من اللازم ، بقوم برسم ابتسامة البيّاعين الصفرا و ببلّش يرحّب فيهم و يباركلهم
دون : تفضّلوا ، محلّكم الزغير .. تفضّلي يا عروس
مس باليستاين بتكيّف على كلمة ( يا عروس )، بترجع بتنعّم صوتها :
مس باليستاين : بالله بدّي اشوف هداك الطقم الكارتيير
دون : أي واحد ؟ آه .. هاد .. لأ يا آنسة ، هادا مش كارتيير .. هادا فرساتشي
بيبي بتنتشي عشان بنت أورورا انفقست، و مس باليستاين بتحسّ بالخزوة :
مس باليستاين : اللي هو .. فرجيني اياه !
دون بفرجيها الطقم، بعجبها بس بتعمل حالها بتشاور بحالها و بتسأل إمها و العريس و إمّه عشان ما يغلّي عليهم السعر
نيو_ون : بكم هاذا الطقم ؟
دون بياخد الطقم و بحطّه عالميزان و بمسك الآلة الحاسبة و بقعد يحسب، مع إنّه عارف السعر.. بس عشان يفرجيهم إنّه بحسب بسعر الغرام و المصنوعية
دون : هادا بألفين و سبعمية و تسعة و تسعين دينار و خمسة و ستين قرش و تعريفة
نيو_ون : بس ؟
دون : على حظّك ، امبارح الدهب نزل و صار الغرام بـ11دينار بدل 12 ونص
نيو_ون : لا ياخوك ، أنا بدّي شي أرخص من هيك بكثير .. إحنا ميزانيتنا كلها الفين و نص، يعني بدنا طقم بحدود الألف .. ألف و خمسمية
دون : معناته ما إلك غير تاخد دهب عيار 21، هو أرخص إشي هاليومين
مس باليستاين : لأ ، أنا بدّي دهب أبيض
بيبي : انقعيه بكلور بصير أبيض !
أورورا : هيهيهيهي .. لأ إحنا ما بدنا دهب بالألوان .. بدنا اياه ناصع البياض !
دون بحسّ إنّه الجو متوتّر .. بحاول يطرّي الجو
دون : طيّب ، ليش ما تاخدوا شغلة أنعم .. زي هادا الطقم
بمدّه دون كورليوني إيده و بطلّع طقم تاني :
دون : شو رأيك يا عروس ؟
مس باليستاين بتمسك الطقم و بتتفرّج عليه قطعة قطعة .. و بتشوفه كتير ناعم ، ناعم زيادة عن اللزوم يعني
مس باليستاين : بس هادا كتير ناعم ، يعني رح ينقطع من أقل شدّة
بيبي : اللي بسمعك بحكي بدّك تلبسيه و تروحي تصارعي فيه
أورورا : يا ام نيو_ون ، خلّي البنت على راحتها
بيبي : هو أنا حكيت إشي من الصبح ؟
نيو_ون : يمّه .. مرت عمّي .. مشان الله !
مس باليستاين بتقرر تاخد الطقم عشان حسّت إنّه بريستيجها تبعزق عالآخر و راحت كل بعزوقة بمكان من تحت راس إمها و مرت عمّها . بتقرّب من نيو_ون و بتحكيلي يخلّص الموضوع بسرعة عشان يروّحوا
نيو_ون : ماشي ، بكم رح تحسبلنا اياه ؟
دون بعيد نفس المشهد بالزبط
دون: هادا آخره ألف و ميتين و سبعة و تلاتين دينار .. و عشان نيو_ون منخلّيه ألف و ميتين
نيو_ون: و من هون لهون ؟
دون : والله هاد آخره حبيبي ، يا ريت بقدر أراعيك فيك أكتر من هيك ..
بالنهاية ، بقبل نيو_ون و بفتّ حق الطقم نيرة تنطح نيرة و بعطيه لخطيبته
نيو_ون : مبروك حبيبتي
مس باليستاين طبعاً بتفهم بالأصول، بتعطي الطقم لمرت عمّها :
مس باليستاين : مش هلأ حبيبي، لمّا تلبّسني ايّاه بصير إلي .. تفضّلي يا مرت عمّي خلّيه معك
بيبي بتحسّ إنه البنت المفعوصة ضربتها كفّ على صباحها .. طلعت بتفهم مقصوفة هالرقبة
نيو_ون : وين هسه ؟
مس باليستاين : بدنا اشتريلي كم قطعة دهب أصفر و بعدين بنشتري المحابس
نيو_ون : يعني إحنا بنفتّ كل هالفتّ ، و بالآخر كل اللي بطلعلنا محبس فضّة يا دوب حقّه 7-8 دنانير كمان ؟
مس باليستاين : حكيت شي ؟
نيو_ون : لأ ! أنا أحكي .. يلاّ قدّامي نشوف المحلّ اللي بعده

المشهد السابع
ليلي/ داخلي
دار أبو نيو_ون
الصالون

العيلة كلّها متجمّعة بعد ما تعشّوا
نيو_ون و خطيبته قاعدين لحالهم على طاولة السفرة بدوّنوا أسماء المعازيم ، و و بيبي و أورورا عم يشربوا الشاي جنب بني هاني و مسحول اللي بعدهم بحكوا بعزومة بعبع عالمنسف قبل اسبوعين و بيقارنوا بينها و بين عشا بيبي اللي تكوّن من : فلافل سادة .. فلافل محشي بلحمة .. فلافل بالشطّة .. فلافل بالسمسم و حبّة البركة .. و شوية أطباق جانبية زي الحمّص و الفول و المسبّحة و شويّة مخللات

أورورا بتسأل فجأة :
وين ناويين تعملوا حفلة الخطوبة ؟
بيبي : وين بدنا نعملها ؟ هون بالبيت؟
أورورا : شو؟؟!؟! هون بالبيت ؟؟
بيبي : آه هون بالبيت ! ليش ماله بيتنا ؟ ما هيّو نص فاضي و بنعمل فيه مؤتمر قمّة عربي
أورورا بنكش جوزها عشان يحكيله كلمة
مسحول : بس يا اختي يا ام نيو_ون، إحنا معازيمنا كتار .. يعني أم باليستاين لحالها عازمة من عيلتها أبو 150 نفر .. وين بدكم تحطّوهم هذول ؟
بيبي : 150 ؟!؟ من وين لملمتهم هدول ؟؟ و بعدين ليش هلقد المعازيم ؟ إحنا عازمينهم على مباراة الوحدات و الفيصلي ؟؟ الحفلة عالديّق و إحنا أهل العريس مش عازمين ناس كتير
بني هاني بتدخّل عشان يسكّت أخته :
بني هاني: يا اختي يا بيبي ، حفلة الخطوبة معروف إنها للعروس ، يعني بعزموا زي ما بدهم ، إنتي بتطلّعي العوقة بالعرس ان شالله !
مسحول : يرحم الله والديك يا خوي يا بني هاني ! يعني هاي بنتنا وحيدتنا و ما بصير عشان فرق أكمن دينار نضيّق على حالنا هلقد، و بعدين إذا حسبتها، هالثلاثمية أربعمية دينار اللي رح نحجز فيهم قاعة زغيرة مرتبة ، رح نحطّهم كراسي و لوج و عشا و عصير و كيك و زينة و إيجار ستيريو ! هاذا غير العجقة اللي رح تنعجقها أختي أم نيو_ون ثاني يوم بترتيب البيت
بيبي بلّشت تقتنع بالفكرة
بني هاني : أنا من رأي مسحول يا اختي، شو حكيتي ؟
بيبي : ماشي .. أنا ما عندي مانع
طبعاً نيو_ون و مس باليستاين سامعين الحوار :
مس باليستاين : بقولوا عن صالة البنفسج اللي بتلاع العلي بتجنن .. يا ريت نحجز فيها
بيبي : و ليش صالة أرنون اللي بصويلح مالها ؟
مس باليستاين : أرنون يا مرت عمّي ؟؟ هاي يا دوب توسع معازيمنا إحنا لحالهم
بني هاني برجع بتدخّل :
بني هاني : يا خالي يا نيو، بكره بتوخذ عروستك و بتروحوا بتشوفوا أسعار الصالات .. و بتشوفوا شو أنسب إشي إلكو من ناحية الحجم و التجهيزات و بتحكولي .. الصالة نقوطي إلكو بالخطبة
بيبي بتكيّف و بتقعد تتشكّر أخوها ، و نيو_ون بنطّ لعند خاله و بصير يبوس فيه
بني هاني : ألف مبروك يا خال .. ان شالله عقبال الفرحة الكبيرة

وإلى اللقاء في الحلقة القادمة

الحلقة الثانية

2008-03-03T01:57:00.000+03:00

المشهد الثالث
نهاري/ داخلي
دار أبو نيو_ون
الصالون

بيبي ماسكة سمّاعة التلفون و مش عاجبها الحكي اللي بتسمعه من أخوها بني هاني:
بيبي: وافقوا ؟ ما أحلاهم و هم مش موافقين ؟ من قلّة ما يصحّلهم !
بتبعّد السماعة عن دانها عشان أخوها بني هاني عصّب و صار يصرّخ
بيبي: طيّب طيّب ياخوي ما تعصّب عليّ ، خلص .. زي ما بدّك .. ماشي .. ان شالله .. الله معك ، مع السلامة
نيو_ون قاعد جنبها و إيده على خدّه:
بيبي : جهّز حالك بعد المغرب عشان نروح عند دار عمّك مسحول
نيو_ون بعده مبلّم
بيبي: شو مالك ؟ اللي بشوفك هلأ ما بصدّق إنك كنت دابح حالك على بنت عمّك السنة اللي فاتت
نيو_ون : يمّه أنا بطّلت أتجوّز
بيبي بتشغّل زامور الإنذار:
بيبي : نعم ؟؟؟؟؟؟ بطّلت شو ؟؟؟ إنت شايف قدّيش صار عمرك ؟؟ ولك اللي قدّك هلأ صار عندهم ولاد بالمدارس .. استحي على طولك .. بدّك تضلّ تتسكّع بمكّة مول إنت و اصحابك الصايعين يسعد صباحك و أنفرغيتبل و بودي غارد ورا الصبايا ؟ إنت بدّك تفضحني ؟ بدّك تضلّ جايبلي الحكي من اعمامك و اخوالك ؟
نيو_ون : ما هو يمّه .. أنا عارف عمّي مسحول ما بطيقني ، و حاسس إنّه الشغلة فيها ملعوب كبير
بيبي : ملعوب شو ؟ إنت شاكك إنّه خالك بني هاني ممكن يورّطك هيك ورطة ؟؟
نيو_ون : ما هو بالمنطق ! مرت عمّي أرورا السنة اللي فاتت طردتنا من بيتهم ، و قالتلنا لو بنتها بتبور ما بتجوّزها لواحد مثلي ، شو اللي جدّ هسه عشان يوافقوا ؟
بيبي : معناته البنت بارت و مش لاقيين حدا يتجوّزها
نيو_ون : له يمّه ! شو هالحكي ؟ ما تحكي هيك على بنت عمّي، مس باليستاين زي القمر و ألف عريس بتمنّاها
بيبي : يضرب الحبّ شو بذلّ ! أنا نفسي أعرف شو عاجبك فيها؟ بكفّيش حولة و لمّا أجت تسلّم عليّ السنة اللي فاتت سلّمت على أبوها ؟
نيو_ون بدافع عن بنت عمّه و حبيبته :
نيو_ون : حرام عليكي يمّه ! يعني البنت كانت مستحيّة .. عليم الله لو كنت مطرحها كان التخمت و ما عرفت شو أعمل
بيبي : إسمع يمّه يا حبيبي، هاي المرّة أنا رايحة يا قاتل يا مقتول .. البنت بدنا ايّاها يعني بدنا ايّاها .. مش عشانها حلوة والاّ عشان أمّها والاّ أبوها .. بس عشان أنا إبني بقبق عيني ما يتعقّد و أشيل همّه .. و عشانك والله لو بدهم يكحشوني بالقشّاطة ، مش رح أطلع غير و أنا خاطبتلك اياها .. منيح هيك ؟
نيو_ون بهجم على إمّه بقعد يبوس براسها و إيديها مش مصدّق اللي بسمعه
بيبي : طيب خلص .. بكفّي، هريتني بوس .. هلقد كاين قاطع الأمل .. إطلع احلق و زبّط حالك و رشّ من العطر هادا اللي بخلّي البنات يلحقوك ، كلّها ساعتين و خالك بني هاني بكون هون
نيو_ون بركض على غرفته :
نيو_ون : حاضر يا إم الفلافل .. قصدي يا إم نيو

المشهد الرابع
ليلي/ خارجي
الشارع
سيارة بني هاني

نيو_ون : يعني إنت متأكد إنهم حكولك تفضّلوا يا خالي ؟
بني هاني بعصّب:
بني هاني: و بعدين معك؟؟ هاي رابع مرّة بتسألني هالسؤال ؟؟ إنت بطّلت بدّك البنت والاّ شو ؟
بيبي بتتمتم بينها و بين حالها :
بيبي: يا رييييييت !
بني هاني بجحر أخته جحرة بتسكّتها و برجع يحكي مع إبنها :
بني هاني: مثل ما اتفقنا يا خال، بتترك الحكي إلي.. أنا بعرف كيف أحكي مع عمّك مسحول و مرته
و بكمّل مع بيبي :
بني هاني : و هاذا الحكي موجّه إلك طبعاً يااختي ، واظح ؟
بيبي: أنا ؟!؟؟؟ الله يسامحك ياخوي ! اللي بسمعك بحكي انّي أنا اللي خربتها المرّة اللي فاتت !
بني هاني : لأ !! أبداً !! إنتي مسكينة لا من ثمّك ولا من كمّك
و قبل ما بيبي تفتح تمّها عشان تحكي، بسكّتها أخوها بسرعة :
بني هاني: خلينا نميّل نجيبلهم شغلة، مش حلوة نفوت عليهم و إيدينا فاظية
بيبي : ميّل جيبلك كيلو سكّر وكيلو رزّ
نيو_ون بصيّح :
نيو_ون: شوووو؟!؟؟ سكّر و رزّ ؟؟ ليش يمّه هو إحنا رايحين زيارة عالمدافن ؟ أنا بقول نجيبلهم بوكيه ورد و تشكيلة شوكولاته من عند زمبركجي
بني هاني بتمهزأ عالولد :
بني هاني: حبيب إمّه !! يا فرحتك بهالخلفة يا بيبي ! سنحكو إنتو الجوز

المشهد الخامس
ليلي / داخلي
دار مسحول
باب الدار

بني هاني واقف مع أخته و إبنها عالباب بستنّوا حدا يفتحلهم
بيبي بتتلكك بدها حجّة :
بيبي : شكلهم طالعين ، أنا بقول نروح و نرجعلهم السنة الجاية
بني هاني بتقبّع معه :
بني هاني: اللهم جيبك يا طولة الروح !! و بعدين معك إنتي ؟
طبعاً نيو_ون عامل حاله مطيع و بسمع الحكي و ما بدّه يحكي ولا كلمة زي ما وصّاه خاله
فجأة بنفتح الباب، و بلاقوا مسحول بوجههم
مسحول: يا أهلا و سهلا .. ميت مرحبا بأبو قنوة .. تفظّلوا
و بعد السلامات و عبارات الترحيب التقليدية ، بدخلوا كلهم عالصالون
نيو_ون بقعد عالصوفا، بتقوم بيبي بتيجي تقعد جنبه عشان ما تترك لمس باليستاين فرصة تيجي تقعد جنبه.. و طبعاً نيو_ون المسكين بفقس الحركة بس ما بقدر يحكي أو يعمل شي
بني هاني و مسحول بندمجوا بحديث ممتع عن عزومة المنسف اللي كانوا معزومين عليها الاسبوع الماضي عند جارهم بعبع .. و طبعاً بنسوا حالهم بالحكي
بيبي بتميل على إبنها و بتحكيله و هي تمصمص بشفايفها :
بيبي: شايف ما أقل زوقها مرت عمّك و بنتها ؟ صارلنا ساعة قاعدين و ما أجت تسلّم
نيو_ون بحكي بصوت واطي عشان ما يلفت انتباه خاله و عمّه :
نيو_ون : يمّه حرام، بجوز مرت عمّي بالمطبخ بتعملّنا شي نشربه و بنت عمّي بتجهّز بحالها
بيبي : يا ميلة حظّك يا بيبي ! ولك اثقل ! بلاش يفكّروك دالق حالك عليهم
فجأة .. نيو_ون ببحلق عينيه و دينيه .. و عينيه بتعلّقوا ببات الصالون
بيبي بتنتبه و بتتطلّع بتلاقي سلفتها فايتة مع بنتها مس باليستاين اللي حاملة صينية العصير و ماشية ورا إمها و راسها بالأرض ..
بيبي بتعلّق بينها و بين حالها :
بيبي: اسمالله عالخجل و الحيا !
أورورا: يا أهلا و سهلا بإم نيو_ون .. شرّفتوا
بيبي بترسم ابتسامة صفرا و هي بتاخد أورورا بالأحضان و بتطقعها 16 بوسة على كل خد .. و طبعاً عبارات الترحيب و العتب و اللوم بسبب قلّة الزيارات شغلة لا بدّ منها و بعدين بيجي دور مس باليستاين
مس باليستاين : هلا مرت عمّي
بيبي بتشدّها من إيدها عشان تحضنها و تكرر معها نفس المشهد، و بنفس الوقت بتمسك شعرها و بتشدّه
مس باليستاين : آآآآآي .. شعري يا مرت عمّي
بني هاني بنتبه و بتطلّع بأخته .. بدّه يرقّع الموقف بس شو بدّه يحكي تا يحكي
بني هاني : الله يجازيكي يا أم نيو_ون ، حكيتلك اشلحي هالاسوارة اللي إنتي لابستيها يااختي ما ردّيتي عليّ ، هيها رح تظلّ تشبك بكل شي و تغلّبك
نيو_ون و مس باليستاين طبعاً ما صدّقوا يشوفوا بعض عشان يبلّموا و ما يحسّوا بشي حواليهم
قرّبت مس باليستاين من نيو_ون عشان تسلّم عليه
نيو_ون : كيف حالك يا بنت عمّي ؟
مس باليستاين خدودها ورّدوا و صوتها نعم فجأة و صار أوطى من صوت سولاف فواخرجي:
مس باليستاين : الحمد لله ، منيحة .. إنت كيفك ؟
نيو_ون مبحلق بالبنت و بطّل يجمّع:
نيو_ون: مشتاق
بني هاني بتنحنح و بكحّ عشان يغطّي على عكّ إبن أخته
بني هاني: كيف حالك يا عمّي يا مس باليستاين ؟
مس باليستاين بعدها عاملة حالها مستحية :
مس باليستاين : نشكر الله عمّي ، منيحة
بني هاني برجع لأبوها :
بني هاني : ترى إسمع ياخوي يامسحول ، هاذا الموضوع حكينا فيه كثير و قليل .. واللي صار السنة اللي فاتت بدنا ننساه و نرمي سوء الفهم اللي صاركلّه ورا ظهورنا و نبدا صفحة جديدة .. شو رأيك ؟
أورورا بتتدخل عشان تبدي رأيها :
أورورا : يعني ياخوي يا بني هاني، برضيك أنا ينحكى عنّي مسحولة ( عدم المؤاخذة يا أبو مس_باليستاين) بس أنا شو ذنبي إنّي أخدت واحد إسمه مسحول ؟
مسحول بعصّب و بسكّت مرته :
مسحول : صلّي عالنبي يا مرة، مش سامعة الزلمة بحكيلك بدنا نرمي الشوسمو ورا ظهورنا ؟
بيبي طبعاً ما بتسكت:
بيبي : بالله شو يااختي ؟ والاّ أنا اللي لساني حبل غسيل و .....
بني هاني ما بخلّيها تكمّل و بعصّب عليها هو كمان:
بني هاني: و بعدين ؟؟؟ إحنا شو حكينا؟؟
نيو_ون بتدخّل : يمّه استهدي بالله
بني هاني : يلا يااختي يا بيبي و يا أوروا ، قوموا بوسوا روس بعظ عشان نعرف إنه الخلاف بينكم انتهى .. يلاّ الله يرظى عليكن
بتقوم بيبي و أوروا على مضض .. بسلّموا على بعض و ببوسوا روس بعض من غير نفس
بيبي : حقّك عليّ يا اختي يا ام مس باليستاين
أورورا : يلاّ ، مش رح تطلعي أحسن منّي .. راسك أبوسه
مسحول : والله الصلح خير يا جماعة.. الله يرظى عليكن
طبعاً نيو_ون و مس باليستاين بكيّفوا و برسموا ابتسامة من الدان للدان
بني هاني : ياخوي يا مسحول .. من غير طول سيرة و حكي فاظي و مليان، أنا جاي مع أختي بيبي عشان نطلب إيد بنتكم مس باليستاين لإبنّا نيو_ون .. شو حكيت ؟
مسحول : والله ياخوي يا بني هاني، جيتك غالية و عزيزة علينا .. بس زي ما تقول، أنا ما بقدر أعطيك كلمة غير بعد ما أشاور البنت و امّها ..
مس باليستاين بتغيّر صوتها و بصير زي صوت سمير غانم:
مس باليستاين : أنا موافقة بابا
مسحول بجحر بنته بنظرة شرسة ، بتقوم المسكينة بتلبد مطرحها من الرعبة .
بني هاني : ياخوي يا مسحول، إحنا عيلة وحدة و ما في حدا غريب .. و الولد و البنت بدهم بعظ من و همّي بالكي جي 1 .. فا .. الله يرظى عليك، خلّينا ننهي نحط زيتاتنا على زعتراتكم و نقرا فاتحتهم و نتوكّل على الله
أوروا : آه بس ياخوي يا بني هاني، مش لازم نحكي بالتفاصيل بالأوّل ؟
بني هاني : ولو يااختي يا ام باليستاين .. إحنا جمل و إنتو حمّلوا .. شو ما بدكم إحنا موافقين
أوروا : بدنا دهب باربع تالاف ليرة ؟
بيبي : ول !!! ليش أربع تالاف ؟؟؟ ما كل الناس بلبّسوا دهب بألف و نص !
أوروا : لا حبيبي ، هلأ الدهب غالي ، شو بدهم يجيبوا الألف و خمسمية ؟؟
مسحول ما بعجبوا حكي مرته:
مسحول : و أنا قاعد هو إجر كرسي يعني ؟؟ والاّ ماليش لسان أحكي ؟
أورورا بتلبد مطرحها و ما بتحكي ولا كلمة ..و بيبي بالعافية بتحبس ضحكتها
بني هاني: ها ياخوي يا مسحول ؟ شو حكيت ؟
مسحول : والله ياخوي يا ابو قنوة ، جيتك عزيزة و غالية .. و نيو_ون إبنّا زي ما مس باليستاين بنتكم .. و أنا مش رح الاقي لبنتي عريس بعرفه و بعرف أخلاقه مثله .. توكّل على الله
بني هاني : يعني نقول مبروك ؟
مسحول : مبروك علينا و عليكم.. اشربوا قهوتكم.. قصدي عصيركم
مس باليستاين مابتصدّق تسمع هالكلمة .. بتفزّ واقفة و بتركض على غرفتها زي سعاد حسني بفيلم صغيرة على الحب
و بتقوم بيبي بترقع هالزغروتة و بتحضن إبنها نيو_ون و بتباركله
بيبي : ألف مبروك يا ميمتي .. أخيراً رح أجوّزك و أفرح فيك ؟؟

و إلى اللقاء في الحلقة القادمة

الحلقة الأولى

2008-03-03T01:39:00.001+03:00

أعزائي المشاهدينتشاهدون بعد قليل الحلقة الأولى من المسلسل الاجتماعي ("نيو_ون" و الأربعين عروس)المسلسل من قصّة و سيناريو و حوار و إخراج و تصوير و إضاءة و صوت و إنتاج و تمثيل بيبي بالاشتراك مع نيو _ون و بني هاني و مسحول و نخبة من ألمع نجوم محجوب .. نتمنّى لكم مشاهدة ممتعة ، و نترككم مع أحداث الحلقة الأولى :نلفت عناية حضراتكم إلى أنّه من المفضّل استعمال الإينكودينغ و قراءة النص من الإيد اللي بتاكلوا فيها للإيد اللي ما بتاكلو فيها ( هادا إذا كنتو بتاكلو باليمين ) عشان تطلع الأرقام و علامات الترقيم مزبوطة .. شكراً

المشهد الأول
نهاري / داخلي
دار أبو نيو_ون
غرفة نيو_ون

الساعة 10 و نص الصبح
المنبّة صارله ساعة و نص بيرنّ، و نيو_ون نايم و بشخّر
بيسكت المنبّه عشان يبلّش الموبايل يرنّ ونيو_ون بعده نايم و بشخّر
بتفوت (بيبي) و بإيدها سكينة المطبخ زي سكينة الشيف رمزي و بتقرّب من نيو_ون و هي معصّبة :
بيبي : و بعدين معك ؟ بدّك تصحى اليوم والاّ لأ ؟ المخروب صارله ساعة بونّ
نيو_ون بتقلّب بسريره و بصير يبرطم
نيو_ون: يمّه حكيتلك من امبارح بكره ما عندي دوام ، خلّيني أنام مشان القرود
(بيبي ) بتعصّب أكتر :
بيبي: و ليش رابط المنبّه و الموبايل مادامك معطّل ؟
نيو_ون ما بجاوب
بيبي بتشدّ اللحاف عنّه و بتحكيله
بيبي : و ليش معطّل اليوم ؟ على علمي عيد الشجرة بعد شهرين مش هسّه
نيو_ون ببلّش يفتّح عينيه ، بتطلّع بإمّه، بشوف السكينة بإيدها بفزّ قاعد :
نيو_ون :له يمّه ! خلّي العقل منّك ! خلص! بدّك أروح عالشغل بروح عالشغل.. كلّه ولا زعلك
بيبي : طب فزّ قدامي أشوف ما دامك قاعد عشان تودّيني عند دار خالك بني هاني
نيو_ون بدير وجهه على جنب و بتمتم :
نيو_ون: خالي بني هاني ! يا ساتر استر !
بيبي: شو حكيت ؟
نيو_ون: لا يمّه ما حكيت شي ، على راسي ، بس خلّيني أغسّل و أشرب قهوتي و أدخّن لي سيجارة
بيبي: شو بتقول ؟؟ سيجارة ؟ إنت من إيمتى بتدخّن ؟؟!؟
نيو_ون بتذكّر انّه ما بدخّن :
نيو_ون: شو ؟ أنا حكيت تدخين ؟ لأ .. أنا قصدي يعني خلّيني آفطر .. أحلق .. أغيّر .. أعمل أي شي، هو الواحد بدّه يقوم من النوم يطلع هيك طج طاخ ؟
بيبي بتتطلّع فيه تطليعات غريبة قبل ما تحكي و هي طالعة من الغرفة :
بيبي : طيّب، بالمرّة بكون أنا طبخت عشان لمّا ييجي موعد الغدا تلاقي شغلة تاكلها
نيو_ون بستخفّ دمّه :
نيو_ون: شو بدّك تطبخي ؟ فلافل ؟
بيبي بترجّع تطلّ عليه:
بيبي: هيهيهي .. سنحك
نيو_ون بتمتم:
نيو_ون: هو إنتي رح تجيبيها من برّه
بيبي: شو حكيت ؟
نيو_ون : لا يمّه ولا شي .. حكيت يسعدلي صباحك إلهي
قطع

المشهد الثاني
نهاري / داخلي
دار بني هاني
الصالون

بيبي و أخوها بني هاني قاعدين بشربوا الشاي و بقرقروا
بيبي : آه ياخوي، ما حكيتلي .. ان شالله خير.. ليش ودّيت وراي ؟
بني هاني: خير ياختي ..
فترة صمت عشان الموضع يكتسب أهمية و جدّية :
بني هاني: شو صار مع ابنك ؟ لقيتوله عروس والاّ بعدكم ؟
بيبي بتتنهّد و هي بترجّع كاسة الشاي مطرحها :
بيبي : لا والله ياخوي ما لقينا بعدنا ، هالولد مشيّبني ومطلّعلي براسي شجرة فجل
بني هاني: و البنت اللي رحتوا تشوفوها الاسبوع اللي فات ، شو مالها ؟
بيبي بتحمرّ و بتزرقّ :
بيبي : الله يرضى عليك خيّا، بلاش فضايح
بني هاني : فظايح ؟؟
بيبي: الله وكيلك ياخوي ، طلعنا من عندهم بزفّة .. أهل البنت طلعوا شايفين حالهم كتير، ولمّا عرفوا انّه ابني بدّه يجيب مرته تعيش معي طلّعونا من بيتهم بالقناوي
بني هاني بعصّب :
بني هاني: قناوي ؟ إيه ! هذول طلعوا من العيلة ..مش على أساس هاي البنت اختياره هوّه !؟؟ و قال بدّوش يتجوّز جواز تقليدي ؟
بيبي : أنداري عنهم ! أوّل ما حكيت لإم المحروسة إنها رح تسكن معي ، ما لقيتها غير ضربت على صدرها و كحشتني أنا و هالمسخّم بالشبشب.
بني هاني بدير وجهه على جنب و بحكي و هو خايف أخته تسمعه:
بني هاني : ما هو بدّك الصحيح، إنتي ما بتنطاقي
بيبي معصّبة :
بيبي : شو حكيت ؟
بني هاني : لا ياختي ، سلامتك .. أنا بقول بدكو تطوّلوا بالكم شويّ إنتي و المحروس .. يعني بدكو توخذوا الشغلة بالهداوة و يعني .. إنتي عارفة
بيبي بتزور أخوها بني هاني بنظرة شرسة :
بيبي : ما فهمت .. شو يعني إنتي عارفة ؟
بني هاني : يعني ياختي، سولافة حبة البندق و شدّ الشعر هاي صارت موظة قديمة.. شو دخلك باسنانها و بشعرها للمخلوقة مش فاهم! يعني هسّة لو سنانها مسوّسات بتكون ما بتجيب ولاد ؟
بيبي : بني هاني، هات اللي عندك .. في بتمّك حكي .. لا يكون مقصوف الرقبة نيو_ون شكالك منّي ؟
بني هاني بسرعة : له يا اختي ! معاذ الله ! لا شكالي ولا بكالي
بيبي : والاّ شو ؟
بني هاني : بصراحة خيتا، أنا شايفله عروس .. ما شاء الله عليها، لولا الكمال لله كان حكيت عنها كاملة مكمّلة
بيبي بتفنجر عينيها و دينيها :
بيبي : اشتغلت خاطبة على آخر الزمن يابو قنوة ؟
بني هاني: له يا بيبي ! شو خاطبة و ما خاطبة ؟ هاي مس باليستاين ، بنت عمّه مسحول !
بيبي بتصيّح بذبذبة مقدارها 8.1 على مقياس بيبتر:
بيبي : مييييييييييييييييييين ؟!؟؟!؟؟؟؟!!!؟!؟ مس باليستاين ؟!؟!؟ بنت مسحول ؟!؟؟!؟
بني هاني من الرعبة بطّل يجمّع :
بني هاني: آه ياختي، مالها مسحول ؟ قصدي ماله مس باليستاين ؟
بيبي : بدّك أجوّز إبني لبنت أورورا ؟؟!؟!؟ مش لاقي حماة لابني غير هاي القويّة؟؟ عشان تحكم و تتحكّم فيي و بابني؟؟
بني هاني : يا اختي الله يهديكي ! خلص إنسى الماظي .. يعني مش معنى إنه المستورة كسرتلك إيدك و طردتكم من بيتها بالزمانات إنّك توقفي بوجه النصيب .. و أنا بصراحة شايف الولد و البنت ميّالين لبعظ .
بيبي : إنت بصفّي والاّ بصفّهم ؟
بني هاني : يا ام نيو_ون الله يهديكي .. هي كاينة حرب؟ هاظا نصيب.. و بعدين اللي بنعرفه أحسن من اللي ما بنعرفه ..و البنت غير إمّها مسكينة و البسّة بتوكل عشاها و بكره بس تصير ببيتك بتمشّيها على كيفك و و بتبطّل لا هي ولا إمّها يسترجوا يفتحوا ثمّهم معك بكلمة..يعني بتطلّعي اللي عملتها فيكي إمّها على جنابها.. يعني والله إنتي الثانية ما انتي قليلة يا اختي و احمدي ربّك إذا قبلوا يناسبوكي
بيبي بتاخد لحظة للتفكير .
بني هاني : ها ! شو حكيتي ؟ أحكي
بيبي : طيّب بلكي الولد بطّل بدّه اياها بعد الطردة اللي انطردناها من بيتهم ؟
بني هاني : لأ ، بعده بدّه ايّاها .. أنا بعرف .
بيبي : شو عرّفك ؟
بني هاني : هاي سواليف رجال .. ما إلك فيها .
بيبي : والله ياخوي، هو بيني و بينك أنا خايفة الولد يتعقّد .. ما في وحدة قبلانة فيه بحارتنا و الحارات المجاورة .. كلّهم بحكوا عنّه دلّول امّه.. و خايفة الولد يبور و يقعد بلا جيزة لحد ما يعنّس .
بني هاني : خلص ، توكّلي على الله .. أنا اليوم بحكي مع عمّه مسحول و بحكيله بعد سنحك .. قصدي بعد إذنك جايين نشرب معك فنجان قهوة أنا و مرت أخوك ام نيو_ون و ابنها .. و هو ما رح يحكي شي.
بيبي بتتنهّد و بتقعد ساكتة شوي :
بيبي : خلص، إذا إنت شايف هيك ..خلّيني أروح أحكي للولد، بجوز هو بطّل بدّه ايّاها
بني هاني (بسرعة ) : لأ ! بدّه ايّاها .. بس اطلعي منها إنتي !
بيبي : خير ان شالله .. إحكي معي و احكيلي شو بصير معك، و أنا خلّيني أرجع أبشّره بلكي هالعقدة اللي عنده تنفكّ و يرجع يشوف شغله و حياته و مستقبله .. يلا .. بخاطرك.

قطع

و إلى اللقاء في الحلقة القادمة

2008-03-03T01:16:00.002+03:00

تم عرض هذا المسلسل - غير مكتمل الحلقات - على قناة محجوب الفضائية

وبناء على طلب تقدّم به واحد فقط من المشاهدين .. قررنا إعادة عرضه على قناة

My World.. My thoughts

للتنويه ولمن يشاهدون هذا المسلسل من خارج الديار المحجوبية ، نلفت انتباهكم إلى أن جميع الأسماء الغريبة العجيبة الواردة في المسلسل هي أسماء أعضاء في موقع mahjoob.com والهدف من المسلسل ، بالإضافة إلى الاستظراف واستخفاف الدم، هو إلقاء الضوء على الأسباب المتعددة لزيادة معدلات الطلاق في المملكة

متابعة شيّقة نرجوها لكم

2008-03-02T03:55:00.009+03:00

كنت أنا وأختي بنتفرّج عالتلفزيون وشفنا مشاهد من أبشع ما يكون نقلاً عن مجزرة غزّة
فوق التسعين شهيد خلال 3 أيام .. 55 شهيد اليوم بس .. نساء وأطفال ضمن مواكب الشهداء .. صور دموية مستحيل تقدر تشوفها من غير ما تحسّ بالألم والذل والخجل

ما رح أحكي شو ذنبهم .. ولا رح أحكي ليش هيك عم يصير.. ولا وين مجلس الأمن والأمم المتحدة .. ولا وين القادة العرب ..رح أحكي بس وين الفضائيات؟

بالنسبة إلي، أنا مقاطعة الأخبار بشكل رسمي من وقت إعدام صدّام حسين .. وما بيوصلني من الأخبار إلاّ اللي بسمعه بالصدفة سواء عن طريق التلفزيون أو الراديو أو الجريدة أو والدي لمّا يقعد يناقش الوضع الراهن مع خالي.. يعني لو ما وصلني الخبر عن طريق وحدة من هالوسائل ما كنت رح أعرف أبداً شو بيصير بغزّة

البرامج هيي هيي ..الأفلام ورا بعض ومش حتئدر تغمّض عينيك .. المسلسلات عم تنعرض بشكل عادي .. برامج التووك شو ما تغيّر عليها شي .. يوميات ستار أكاديمي والبرايمز بوقتها بالدقيقة

طيّب وغزّة ما حدا ناوي يجيب سيرتها ؟؟ ما في ولا قناة مفكّرة تقوم بعمل بطولي وتعرض ولو لمدّة 10 ثواني مرّة أو مرتين باليوم شي إله علاقة بغزّة واللي عم يصير فيها ؟ ما رح أقول تعلّق برامجها يوم كامل وتبثّ صور ومواد صوت وصورة وتجري حوارات عن اللي عم يصير بغزّة ، لأنّه حرام .. في عقود إعلانات لازم يلتزموا فيها .. وما بيصير يعرضوا ( ماكدونالدز .. أنا أحبّه ) وسط صور الدمّ والدمار والدموع

يبدو إنّه آخر إشارات الإحساس والدم عم تنهار قدّامنا ، بس هالمرّة مش من أهل السياسة، بل من أهل الإعلام والقنوات الفضائية .. خلّيهم يوفّروا الإحساس والدم لشي أهم بالنسبة إلهم .. أمّا أهل غزّة .. فدمهم وأرواحهم وديعة عند الواحد القهّار اللذي لا تضيع ودائعه

سنوات الضياع

2008-02-29T22:32:00.006+03:00

هاد مش عنوان لمذكّراتي، هاد إسم المسلسل التركي المدبلج اللي بينعرض على قناة أم بي سي كل يوم الساعة 3 بتوقيت الأردن

قصّة الحب اللي فيه شي بيبكّي، والغريب إنها مش قصّة نادرة ولا مستحيلة ، بالعكس، يمكن تكون النهاية الطبيعية والعادية لكل قصّة حب بهالزمن الزبالة اللي إحنا عايشينه

خلّيني أحكي القصة باختصار لكل اللي مش متابعين المسلسل

بطل المسلسل إسمه يحيى( الأول من اليمين)، بيحبّ بنت إسمها رفيف ( التنية من اليسار)

رفيف بنت طموحة ورغم إنها بتحب يحيى لكن عندها طموح تصير شي وعشان هيك بتوافق تشتغل موديل بشركة الأزياء والتجميل اللي هي أصلاً بتشتغل فيها مندوبة مبيعات عند لميس(التانية من اليمين) وعمر أبو شعر(الأول من اليسار)، اللي بيكون حاطط عينه على رفيف من أوّل المسلسل

طبعاً يحيى بيعترض على موضوع إنه صورة خطيبته تنعرض بالشوارع وبالمجلاّت لكن إمها لرفيف - السوسة - بتلعب براسها وبتقوّيها على حبيبها وبتشجّعها تلحق حلمها وتكمّل وما تسمح ليحيى يسيطر عليها، ورفيف من هبلها بتردّ عليها وبتضلّ تترقّى بشغلها لحد ما تصير مقرّبة من عمر أبو شعر

يحيى زلمة عقله شبشب زنوبة، وقد ما بيحب رفيف بيهجم على المكتب اللي بتشتغل فيه وبيكسّره تكسير ، بيقوم أصحاب الشركة بيحبسوه وبالحبس بيصير في صراع بين الحب والكرامة أو الحب وأشياء أخرى هبلة وبيقرر يحيى إنها ما بدّه يقابل رفيف ولا يسمع منها، وإنها إذا بتحبّه رح تستنّاه ليطلع من الحبس، وعشان هيك لما تيجي تزوره بينشّف بوجهها وبيحكيلها إنسيني وشوفي حالك، وطبعاً إمها لرفيف ما بتصدّق ، وبنفس الوقت بيزيد عمر أبو شعر عيار اللطافة وبتصير رفيف ترتاحله وتطلع معه

بالحبس، بيتعرف يحيى على كمال عزّو،رجل غني دخل الحبس كم يوم بقضية زغيرة، وبيعجب بذكاء يحيى وعقله التجاري وبس يطلع بيدفع المبلغ اللازم ليطلع يحيى من الحبس وبيشغّله معه بشركته وبيصير يحيى حدا مهم وبيصير يتحركش بلميس أبو شعر -ما بعرف إذا رح يصير يحبها بالآخر - وهي ما بتعرفه ولا بتتذكّر عملته السودا

أخت رفيف، سوزان حبّت شب إسمه كرم، اشترى الدراجة النارية اللي كانت ليحيى لمّا كان بالحبس وصارت تطلع معه، وبوحدة من طلعاتهم بتدعمها سيارة وبصير معها كسر بالعمود الفقري وبيلزمها عملية خطيرة، بيقوم عمر أبو شعر بيتكفّل بالعلاج وبيجيبلها أكبر جرّاح وعمليتها بتنجح، وبيطلب إيد رفيف للزواج ، فا بتوافق بينما يحيى بيكون يحاول يرجع يحكي مع حبيبته بس عمر الشرير بضلّ واقفله زي العظمة بالزور

الحلقة الماضية، أجى يحيى وحضر عرس حبيبته من بعيد

منظره وهو الرجل القوي اللي شخصيته بتجنن .. وهو بيبكي قطّع قلبي ، خلاّني أحقد على رفيف لأبو موزة

طلع يحيى من مكان الحفلة وساق سيارته زي المجنون ودعم بالمنارة عمداً وبنفس اللحظة وقع الكاس من إيد رفيف ووسخّلها فستان عرسها

بستنّى الحلقة الجاية على أحرّ من الجمر

يا رب ما يكون يحيى صارله شي

Where do I start from ?

2008-02-29T18:58:00.006+03:00

It's very weird !

since I created this blog a couple of weeks back, I've been thinking about the issues I wanna discuss ,the videos, the music and the pictures I wanna post and the happy and sad moments I wanna share with my friends and close ones.

well .. I guess my mind worked faster than what my fingers were ready to do.. coz all of a sudden, everything I wanted to write vaborized as if it never existed.

I hope it won't take me a very long time to regain my lost memory

love to all